फ्लिपकार्टच्या कर्मचाऱ्यांसाठी गूड न्यूज; वेतन कपातीवर कंपनीचा खुलासा

नवी दिल्ली - देशातील आघाडीची ई-कॉमर्स कंपनी फ्लिपकार्टने कर्मचाऱ्यांना मोठा दिलासा दिला आहे. कर्मचाऱ्यांचे वेतनकपात किंवा कोणतीही कर्मचारी कपात करणार नसल्याचे फ्लिपकार्टने कर्मचाऱ्यांना दिली आहे. फ्लिपकार्टचे मुख्य कार्यकारी अधिकारी कल्याण कृष्णमूर्ती यांनी कंपनीच्या सहा हजार कर्मचाऱ्यांना कंपनीची आर्थिक स्थिती उत्तम असल्याची खात्री दिली आहे.

बातम्या ऐकण्यासाठी डाऊनलोड करा ई-सकाळचे ऍप

चिंतेचे कोणतेही कारण नाही. सर्व कर्मचाऱ्यांची सुरक्षितता हे कंपनीचे पहिले प्राधान्य आहे, असेही त्यांनी म्हटले आहे. 

कंपनीकडून आलेल्या स्पष्टीकरणामुळे नोकऱ्या आणि वेतन सुरक्षित असल्याचे स्पष्ट झाल्याने कर्मचाऱ्यांना मोठा दिलासा मिळाला आहे.  सध्या वेतनकपात आणि कर्मचारी कपात हा सर्वत्र चर्चेचा विषय बनला आहे. कोरोनामुळे निर्माण झालेल्या संकटामुळे देशभरात लॉक डाऊन सुरू आहे. यामुळे सर्व उद्योग-व्यवसाय ठप्प झाले आहेत. याचा विपरित परिणाम उद्योगविश्वावर झाला आहे. परिणामी अनेक कंपन्या वेतन कपात आणि कर्मचारी कपात करण्याच मार्ग अवलंबतांना दिसत आहेत. त्यामुळे कर्मचाऱ्यांमध्ये चिंतेचे वातावरण निर्माण झाले आहे.