Gautam Adani : बिल गेट्स यांना मागं टाकत गौतम अदानी बनले जगातील चौथे 'श्रीमंत' | Sakal
sakal

बोलून बातमी शोधा

Gautam Adani vs Bill Gates

भारतातील सर्वात श्रीमंत व्यक्ती गौतम अदानी यांनी जगातील श्रीमंतांच्या यादीत मोठा बदल केलाय.

Gautam Adani : बिल गेट्स यांना मागं टाकत गौतम अदानी बनले जगातील चौथे 'श्रीमंत'

Gautam Adani News : भारतातील सर्वात श्रीमंत व्यक्ती गौतम अदानी (Gautam Adani) यांनी जगातील श्रीमंतांच्या यादीत मोठा बदल केलाय. फोर्ब्स अब्जाधीशांच्या निर्देशांकानुसार, गौतम अदानी यांनी मायक्रोसॉफ्टचे संस्थापक बिल गेट्स (Bill Gates) यांना मागं टाकून जगातील चौथे सर्वात श्रीमंत व्यक्ती बनले आहेत. अदानी यांची एकूण संपत्ती 113 अब्ज डॉलरवर पोहोचलीय. तर, बिल गेट्स 102 अब्ज संपत्तीसह या यादीत पाचव्या स्थानावर आहेत.

हेही वाचा: AK-47 Case : 'मीम'मधून फेमस झालेल्या बाहुबली नेत्याची आमदारकी गेली

फोर्ब्स अब्जाधीश निर्देशांकानुसार (Forbes Billionaires Index), संपत्तीच्या बाबतीत जगातील केवळ तीन उद्योगपती अदानींच्या पुढं आहेत. या यादीत टेस्लाचे (Tesla) संस्थापक इलॉन मस्क (Elon Musk) पहिल्या क्रमांकावर आहेत. त्यांची एकूण संपत्ती 229 अब्ज डॉलर आहे. या यादीत दुसऱ्या क्रमांकावर फ्रेंच लक्झरीचे (LMVH) मालक बर्नार्ड अर्नॉल्ट (Bernard Arnault) आणि त्यांचं कुटुंब आहे. अर्नॉल्ट यांची एकूण संपत्ती 145 अब्ज डॉलर आहे. तर, अमेरिकन ई-कॉमर्स कंपनी अॅमेझॉनचे (Amazon) संस्थापक जेफ बेझोस (Jeff Bezos) हे तिसऱ्या क्रमांकावर आहेत. बेझोस यांची एकूण संपत्ती 136 अब्ज आहे.

हेही वाचा: वादग्रस्त ट्विट प्रकरणी मोहम्मद जुबेरला मोठा दिलासा; कोर्टाकडून जामीन मंजूर

भारतासह आशियातील सर्वात श्रीमंत व्यक्तीचा टॅग दीर्घकाळ धारण केलेले मुकेश अंबानी (Mukesh Ambani) हे संपत्तीच्या बाबतीत अदानींच्या तुलनेत सतत मागे पडत आहेत. फोर्ब्स बिलियनेअर इंडेक्सनुसार, अंबानी-अदानी यांच्यातील हे अंतर 26 बिलियनपेक्षा जास्त झालं असून अंबानी यांची एकूण संपत्ती 87 अब्ज डॉलर आहे. अदानी समूहाचे (Adani Group) प्रमुख गौतम अदानी हे वाढत्या संपत्तीच्या बाबतीत आघाडीवर आहेत. 2022 मध्ये त्यांची संपत्ती सुमारे 23 अब्ज वाढलीय. जी जगातील सर्वात जास्त आहे. 2021 आणि 2020 मध्ये अदानी यांच्या संपत्तीत 40-40 अब्ज डॉलरची वाढ झाली होती.

अदानी समूहाच्या शेअर्समध्ये वाढ : अदानींच्या संपत्तीत वाढ होण्याचं सर्वात मोठं कारण म्हणजे अदानी समूहाच्या शेअर्समध्ये सातत्यानं होणारी वाढ. गेल्या दोन वर्षांत अदानी समूहाच्या शेअर्सचे मूल्य अनेक पटींनी वाढलंय.

Web Title: Forbes Real Time Billionaires List Gautam Adani Became The Fourth Richest Man In The World Overtaking Bill Gates Elon Musk

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..