चार वर्षानंतर पहिल्यांदाच इतकं घसरलं सोनं

सराफा बाजारात आज पुन्हा सोनं आणि चांदीच्या किंमतीमध्ये घसरण पाहायला मिलाली. मंगळवारच्या तुलनेत आज सोनं आणखी घसरलं आहे. बुधवारी प्रति तोळा सोन्याच्या किंमतीमध्ये 235 रुपयांनी घसरण झाली आहे. तर चांदी प्रति किलोच्या किंमतीत 59 रुपयांची घसरण झाली आहे. बुधवारी सोनं प्रति तोळा 46,509 रुपये झालं आहे. तर चांदीची किंमत प्रति किलो 67747 रुपये झाली आहे. जून महिन्यात सातत्यानं सोन्याच्या किंमतीमध्ये घसरण पाहायला मिळाली आहे. मागील चार वर्षांत एका महिन्यात पहिल्यांदाच सोन्याच्या किंमतीमध्ये इतकी घसरण पाहायला मिळाली.

मागील 11 आठवड्यापासून सोन्याच्या किंमतीत घसरण पाहायला मिळत आहे. MCX वर या महिन्यात सोन्यामध्ये 4.5 टक्के घसरण पाहायला मिळाली. तर कॉमेक्सवर 8 टक्केंनी घसरण पाहायला मिळाली आहे. जून 2016 नंतर सोन्यामध्ये इतकी मोठी घसरण पाहायला मिळाली आहे. अमेरिकेच्या फेडरल रिजर्व्हच्या Hawkish कमेंट्रीमुळे सोन्यामध्ये इतकी घसरण पाहायला मिळ्याचं तज्ज्ञांनी सांगितलं. तसेच डॉलरच्या घसरणीमुळेही सोन्याच्या किंमतीमध्ये मोठी घसरण पाहायला मिळाली.

जून महिन्यात आतापर्यत प्रति तोळा सोन्याची किंमत दोन हजार 700 रुपयांनी घसरली आहे. गेल्या वर्षी सोनं प्रति तोळा 56 हजार 200 रुपयांवर पोहचलं होतं. गेल्या वर्षीच्या तुलनेत सोनं दहा हजार रुपयांनी कमी आहे. सध्या सोन्याची किंमत 46 हजार ते 47 हजार रुपये प्रति तोळा इतकी आहे. दरम्यान, MCX वर चांदीच्या किंमतीमध्येही आज घसरण पाहायला मिळाली. MCX वर चांदीची किंमत प्रति किलो 67,500 रुपयांवर पोहचली आहे. या महिन्यात MCX वर चांदीची किंमत सह टक्क्यांनी घसरली आहे तर कॉमेक्सवर आठ टक्क्यांनी चांदीमध्ये घसरण पाहायला मिळाली.