सोने-चांदी महागलं, जाणून घ्या आजचे दर

Gold Rate Today : हवामानाच्या बदलाप्रमाणेच सोने आणि चांदीच्या दरांमध्ये बदल झाला आहे. सोन्याच्या भावांमध्ये पुन्हा एकदा वाढ पाहायला मिळाली. मागील तीन दिवसांपासून सातत्यानं सोन्याच्या किंमतीमध्ये घसरण पाहायला मिळत होती. मात्र, बुधवारी सोन्याच्या किंमतीम्ये साधारण वाढ झाली आहे. चांदीच्या दरांमध्येही वाढ झाली आहे. मागील काही दिवसांपासून सोनं आणि चांदीच्या दरांमध्ये चढउतार पाहायला मिळत होते. बुधवारी सोनं पुन्हा महागलं आहे. सोने अथवा चांदी खरेदी करण्याचा विचार करत असाल तर दर जाणून घ्या.....

बुधवारी 22 आणि 24 कॅरेटच्या सोन्याच्या किंमतीमध्ये प्रति तोळा 170 रुपयांनी वाढ झाली आहे. मंगळवारी सोनं 800 रुपयांनी स्वस्त झालं होतं. सोन्याप्रमाणे चांदीच्या दरांमध्येही वाढ पाहायला मिळाली आहे. बुधवारी चांदीची किंमत प्रति किलो 700 रुपयांनी वाढली होती. मंगळवारी चांदी प्रति किलो 600 रुपयांनी स्वस्त झाली होती.

मुंबईमध्ये प्रतितोळा 22 कॅरेटच्या सोन्याची किंमत 46 हजार 680 रुपये तर 24 कॅरेटच्या सोन्याची किंमत 48 हजार 680 रुपये झालं आहे. राजधानी दिल्लीमध्ये प्रति तोळा 22 कॅरेटच्या सोन्याची किंमत 48 हजार 050 रुपये तर 24 कॅरेटच्या सोन्याची किंमत 52 हजार 420 रुपये आहे.