नवी दिल्ली - जागतिक बाजारात तेजीमुळे सोमवारी दिल्लीतील सराफ बाजाराहीत सोने-चांदीचे दर वाढल्याचं दिसून आलं. एचडीएफसी सिक्युरिटीजने याबाबत माहिती दिली आहे. सोन्यासह चांदीचे दरही आज वाढले. सलग दुसऱ्या वर्षी सोन्याच्या दरात सातत्यानं वाढ बघायला मिळत आहे. यंदा वर्षभरात सोन्याचा दर तब्बल 28 टक्के वाढला आहे. कोरोना व्हायरसच्या साथीमुळे गुंतवणूकदारांनी सुरक्षित गुंतवणूक म्हणून सोन्याला पसंती दर्शवली आहे.
दिल्लीतील सराफ बाजारात सोमवारी सोने 185 रुपये प्रति दहा ग्रॅम महाग झालं. यामुळे सोन्याचा दर 49 हजार 757 रुपये इतका जाला. याआधी सोनं 9 हजार 572 रुपये प्रति 10 ग्रॅम इतकं होतं. जागतिक बाजारात आज सोन्याचा दर 1885 डॉलर प्रति औंस इतका आहे.
सोन्यासह चांदीच्या दरातही आज वाढ झाली आहे. सोमवारी चांदीचा दर 1322 रुपये प्रतिकिलो वाढला. यामुळे एक किलो चांदीचा दर 68 हजार 156 रुपये इतका झाला. याआधी चांदीचा दर 66 हजार 834 रुपये इतका होता. तर जागतिक बाजारात आज चांदी 26.32 डॉलर प्रति औंस इतकी आहे.
सोने-चांदीच्या वाढत्या दराबाबत माहिती देताना एडचीएफसी सिक्युरिटीचे वरिष्ठ अॅनालिस्ट तपन पटेल यांनी सांगितलं की, डॉलरचे मुल्य कमी झाल्यानंतर सोन्याच्या दरात वाढ झाल्याचं दिसत आहे. कोरोनाचा नवा प्रकार आढळल्यानं आणि लॉकडाऊनमुळे सोन्याचे दर वाढले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.