सोने-चांदी खरेदी करण्याचा विचार करताय! जाणून घ्या आजची किंमत

सोने खरेदी करायचे असतील तर तुमच्यासाठी महत्त्वाची बातमी आहे. या व्यापारी आठवड्यात सोने तसेच चांदीच्या भावात (Gold Silver Price) किरकोळ घसरण झाली. देशात सोन्याचा भाव 50 हजार रुपये तर चांदीचा भाव 64 हजार रुपयांच्या जवळपास गेला आहे. (Today's Gold Silver Price Updates)

बुधवारी सोने 82 रुपये प्रति दहा ग्रॅमवर कमी होऊन 50,049 रुपये प्रति 10 ग्रॅमवर बंद झाले. याआधी मंगळवारी सोनं 50,131 रुपये प्रति 10 ग्रॅमवर बंद झालं होतं. त्याचबरोबर चांदीचा भाव 169 रुपयांनी घसरून 64,203 रुपये प्रति किलोवर बंद झाला. याआधी मंगळवारी चांदी 64,372 प्रति किलोच्या पातळीवर बंद झाली होती.

14 ते 24 कॅरेट सोन्याचा नवा भाव

बुधवारी 24 कॅरेट सोने 82 रुपयांनी स्वस्त होऊन 50049 रुपये, 23 कॅरेट सोने 81 रुपयांनी स्वस्त होऊन 49849 रुपये, 22 कॅरेट सोने 75 ते 45 हजार 845 रुपये, 18 कॅरेट सोने 61 रुपयांनी स्वस्त होऊन 37 हजार 537 रुपये आणि 14 कॅरेट सोने 48 रुपयांनी स्वस्त होऊन 29 हजार 279 रुपये प्रति 10 ग्रॅमवर बंद झाले.

अशा प्रकारे जाणून घ्या सोन्याची शुद्धता

आता सोन्याची शुद्धता तपासायची असेल, तर त्यासाठी सरकारने एक अॅप बनवले आहे. बीआयएस केअर अॅपद्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धता तपासू शकत नाही, तर त्यासंबंधी कोणतीही तक्रारही करू शकता.

मिस्ड कॉल देऊन अशा प्रकारे सोन्याची नवीन किंमत (Latest price of gold) जाणून घ्या

22 कॅरेट आणि 18 कॅरेट सोन्याच्या दागिन्यांचे किरकोळ दर (Retail rates) जाणून घेण्यासाठी तुम्ही 8955664433 वर मिस कॉल करू शकता. थोड्याच वेळात एसएमएसद्वारे दर प्राप्त होतील. यासह, वारंवार अपडेट्सबद्दल माहितीसाठी तुम्ही www.Ibja.Coला भेट देऊ शकता.