जीएसटी संकलन जुलैमध्ये ९६,४८३ कोटी रुपयांवर 

सकाळ वृत्तसेवा
गुरुवार, 2 ऑगस्ट 2018

नवी दिल्ली  - वस्तू व सेवा कराचे (जीएसटी) संकलन जुलै महिन्यात वाढले असून, ते ९६ हजार ४८३ कोटी रुपये झाले आहे. जून महिन्यात जीएसटी संकलन ९५ हजार ६१० कोटी रुपये झाले होते. अर्थ मंत्रालयाने दिलेल्या माहितीनुसार, जुलैमध्ये ‘जीएसटीआर ३१बी’ विवरणपत्र भरणाऱ्यांची संख्या वाढली असून, ती ६६ लाखांवर पोचली आहे. त्याआधीच्या जून महिन्यात ही संख्या ६४.४९ लाख होती. जुलैमध्ये एकूण जीएसटी संकलन ९६ हजार ४८३ कोटी रुपये आहे. यात केंद्र जीएसटी १५ हजार ८७७ कोटी, राज्य जीएसटी २२ हजार २९३ कोटी, एकात्मिक जीएसटी ४९ हजार ९५१ कोटी आणि उपकर ८ हजार ३६२ कोटी रुपये (आयातीवर ७९४ कोटी रुपये) यांचा समावेश आहे.

नवी दिल्ली  - वस्तू व सेवा कराचे (जीएसटी) संकलन जुलै महिन्यात वाढले असून, ते ९६ हजार ४८३ कोटी रुपये झाले आहे. जून महिन्यात जीएसटी संकलन ९५ हजार ६१० कोटी रुपये झाले होते. अर्थ मंत्रालयाने दिलेल्या माहितीनुसार, जुलैमध्ये ‘जीएसटीआर ३१बी’ विवरणपत्र भरणाऱ्यांची संख्या वाढली असून, ती ६६ लाखांवर पोचली आहे. त्याआधीच्या जून महिन्यात ही संख्या ६४.४९ लाख होती. जुलैमध्ये एकूण जीएसटी संकलन ९६ हजार ४८३ कोटी रुपये आहे. यात केंद्र जीएसटी १५ हजार ८७७ कोटी, राज्य जीएसटी २२ हजार २९३ कोटी, एकात्मिक जीएसटी ४९ हजार ९५१ कोटी आणि उपकर ८ हजार ३६२ कोटी रुपये (आयातीवर ७९४ कोटी रुपये) यांचा समावेश आहे.

जुलैमधील संकलन अपेक्षेएवढे झाले आहे. एप्रिल ते मे या कालावधीत राज्यांना ३ हजार ८९९ कोटी रुपये जीएसटी भरपाई म्हणून देण्यात आले आहेत. नुकतीच ८८ वस्तूंवरील जीएसटीमध्ये कपात करण्यात आली होती. याचा परिणाम संकलनावर झालेला दिसून आलेला नाही. वॉशिंग मशिन, फ्रिज, मिक्‍सर यांसारख्या ग्राहकोपयोगी वस्तू तसेच, एक हजार रुपयांपर्यंतची पादत्राणे, रंग, व्हॅर्निश आणि सॅनिटरी नॅपकिन्स यावरील जीएसटीमध्ये २७ जुलैपासून कपात करण्यात आली आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: GST Compilation increase