Income Tax Return : ITR भरण्याची शेवटची तारीख हुकली? आता काय आहेत पर्याय, जाणून घ्या | Sakal
sakal

बोलून बातमी शोधा

Income Tax Return Filing

ITR भरण्याची शेवटची तारीख हुकली? आता काय आहेत पर्याय, जाणून घ्या

Income Tax Return Filing : 2020-21 या आर्थिक वर्षासाठी टॅक्स रिटर्न (ITR) भरण्याची अंतिम मुदत 31 डिसेंबर 2021 होती, जी आता मागे पडली आहे. पण याचा अर्थ असा नाही की, आता 2020-21 या आर्थिक वर्षासाठी ITR भरण्यासाठी कोणताही पर्याय शिल्लक नाही. ज्यांची 31 डिसेंबरची अंतिम मुदत चुकली आहे, ते अजूनही बिलेटेड आयटीआर (Belated ITR) दाखल करू शकतात.

आर्थिक वर्षासाठी आयटीआर भरण्याची मूळ मुदत संपल्यानंतर, बिलेटेड रिटर्न फाईल करण्याची संधी असते पण त्यासोबत तुम्हाला दंड देखील भरावा लागणार आहे, आर्थिक वर्ष 2020-21 साठी बिलेटेड ITR दाखल करण्याची अंतिम मुदत 31 मार्च 2022 आहे.

किती दंड भरावी लागेल

U / s 139 (1) आयकर कायदा परत कोणत्याही मूल्यांकन वर्ष वेळेत दाखल न केल्यास, विभाग 234F अंतर्गत पॅनल्टी फी भरावी लागते. या तरतुदीनुसार, 5,000 रुपयांच्या दंडासह बिलेटेड ITR हा 31 मार्च 2022 पर्यंत दाखल केला जाऊ शकतो. आधी ही दंडाची रक्कम 10,000 रुपये होती, ती आता 5,000 रुपये करण्यात आली आहे. मात्र, जर करदात्याचे एकूण उत्पन्न 5 लाख रुपयांपेक्षा जास्त नसेल, तर त्याला फक्त 1000 रुपये दंड भरावा लागेल. जर इंकम एग्जम्प्शन लिमीट पेक्षा कमी असेल (2.50 लाख रुपये), तर 31 मार्चपर्यंत तुम्हाला कोणताही दंड न भरता रिटर्न फाइल करता येईल.

हेही वाचा: सैन्यात नोकरी म्हणून बापाकडून गावजेवण; मुलाचा वडिल अन् पत्नीलाही गंडा

टॅक्स रिटर्न भरताना चूक झाल्यास काय..

मूळ टॅक्स रिटर्न भरताना चूक झाली असेल, तर करदात्याला सुधारित आयटीआर (Revi भरण्याची संधी देण्यात येते. वित्तीय वर्ष 2021-22 साठी सुधारित इंन्कम टॅक्स रिटर्न भरण्याची अंतिम तारीख देखील 31 मार्च 2022 आहे. बिलेटेड आयटीआर रिटर्नमध्ये देखील चूक झाल्यास सुधारित रिटर्न दाखल करू शकता. परंतु 2020-21 या आर्थिक वर्षासाठी बिलेटेड आणि सुधारित आयकर रिटर्न भरण्याची अंतिम मुदत 31 मार्च 2021 असल्याने, शेवटच्या क्षणी बिलेटेड रिटर्न किंवा सुधारित रिटर्न भरता येणार नाही.

हेही वाचा: किती GB रॅम असलेला स्मार्टफोन असतो बेस्ट? जाणून घ्या सर्वकाही

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Income Tax Return
loading image
go to top