महिंद्र अँड महिंद्र ऑटोमोटिव १४,७५० रु. भरघोस पगारवाढ

मुंबई : महिंद्र अँड महिंद्र वर्कर्स युनियनने कांदिवली येथील महिंद्र अँड महिंद्र ऑटोमोटिव सेक्टर एक मधील १७०० कामगारांना प्रत्येकी सरासरी १४,७५० रुपयांची भरघोस पगारवाढ मिळवून दिली.

पगारवाढीच्या करारावर कांदिवली येथील कारखान्यात युनियनचे सरचिटणीस सचिन अहिर, अध्यक्ष विश्वनाथ गुजर आणि कंपनीच्या उत्पादन प्रक्रियेचे प्रमुख गणेश शेणॉय, उपाध्यक्ष विजय नायर( कार्मिक) आणि कांदिवली प्लान्टचे प्रमुख टॉम थॉमस यांनी स्वाक्षऱ्या केल्या. या करारान्वये कामगारांना वर्षाला जादा दोन भरपगारी रजा मिळतील. अहिर यांच्या कारकीर्दीतील हा सातवा करार आहे.