पेट्रोल डिझेलच्या दरवाढीचा भडका; जाणून घ्या आजचे दर

ऑक्टोबर महिन्यात पेट्रोल डिझेलचे दर सातत्याने वाढत आहेत. गेल्या दोन दिवसात स्थिर असलेल्या किंमती आज पुन्हा वाढल्या आहेत. पेट्रोल आणि डिझेलच्या दरात प्रत्येकी ०.३५ पैसे प्रति लिटर इतकी वाढ झाली आहे. यामुळे पेट्रोलचे दर दिल्लीमध्ये १०६.१९ पैसे तर डिझेलचा दर ९४.९२ पैसे इतका झाला आहे.

मुंबईत डिझेलने शंभरी ओलांडली आहे. सध्या मुंबईत पेट्रोल ११२.११ रुपये प्रति लिटर दराने विक्री होत आहे. तर डिझेलचा दर १०२.८९ रुपये इतका झाला आहे.

कोलकात्यात पेट्रोल १०६.७७ रुपये प्रति लिटर असून डिझेलचा दर ९८.०३ रुपये प्रति लिटर इतका आहे. तर चेन्नईत पेट्रोलचे दर १०३.३१ रुपये प्रति लिटर आणि डिझेलचा दर ९९.२६ रुपये प्रति लिटर इतका आहे.

आंतरराष्ट्रीय बाजारत कच्च्या तेलाचे दर ९० डॉलर प्रति डॉलर बॅरल इतके झाले आहेत. त्यामुळे पेट्रोल डिझेलच्या दरात वाढ होत आहे. पेट्रोल डिझेलच्या दरवाढीचा फटका सर्वसामान्यांना बसत आहे. पेट्रोल डिझेल दरवाढीमुळे भाजीपाल्यांसह दैनंदिन जीवनात लागणाऱ्या अनेक वस्तुंचे दर वाढले आहेत.