Petrol-Diesel Price: पेट्रोल-डिझेलचे दर वाढण्याची शक्यता? जाणून घ्या आजचे भाव

Petrol-Diesel Price Today 19 March 2022: आज (शनिवार) पेट्रोल-डिझेलच्या दरात मोठी वाढ होण्याची शक्यता असल्याने हैराण झालेल्या लोकांना दिलासा देणारी बातमी आहे. भारतीय तेल कंपन्यांनी वाहन इंधन पेट्रोल आणि डिझेलच्या किमतीत कोणताही बदल केलेला नाही. त्याच वेळी, आंतरराष्ट्रीय बाजारात कच्च्या तेलाच्या किमती घसरल्याने किरकोळ तेल कंपन्यांवरील ताण कमी झाला आहे. त्यामुळे आता पेट्रोल आणि डिझेलच्या दरात दिलासा मिळण्याची शक्यता निर्माण झाली आहे. कच्च्या तेलाच्या किमतीत विक्रमी वाढ झाल्यानंतरही भारतीय तेल कंपन्यांनी नोव्हेंबर २०२१ पासून म्हणजेच गेल्या वर्षी दिवाळीपासून पेट्रोल आणि डिझेलच्या किमतीत वाढ केलेली नाही. राष्ट्रीय पातळीवर भाव स्थिर राहिले आहेत.

आंतरराष्ट्रीय बाजारात गेल्या काही दिवसांपासून कच्च्या तेलाच्या किमतीत घसरण होत आहे. काही दिवसांपूर्वी ब्रेंट तेलाची किंमत प्रति बॅरल 130 डॉलरच्या पुढे गेली होती, ती आता 98.35 डॉलर प्रति बॅरलवर आली आहे. त्यामुळे पेट्रोल-डिझेलच्या दरात मोठी वाढ होण्याची शक्यता थोडी कमी झाली आहे.

पेट्रोल आणि डिझेलचे आजचे आजचे दर-

भारतीय पेट्रोलियम विपणन कंपनी इंडियन ऑइल कॉर्पोरेशन (IOCL) च्या ताज्या अपडेटनुसार, देशाची राजधानी दिल्लीत पेट्रोल 95.41 रुपये प्रति लिटर आणि डिझेल 86.67 रुपये प्रति लिटरवर स्थिर आहे. त्याचप्रमाणे देशाची आर्थिक राजधानी मुंबईत 109.98 रुपये प्रतिलिटर तर डिझेल 94.14 रुपये प्रतिलिटर दराने विकले जात आहे. कोलकात्यात पेट्रोल 104.67 रुपये प्रति लिटर आणि डिझेल 89.79 रुपये प्रति लिटर आहे. त्याच वेळी, चेन्नईमध्ये पेट्रोलचा दर प्रति लिटर 101.40 रुपये आणि डिझेलचा दर 91.43 रुपये प्रति लिटर आहे.

प्रमुख शहरांमध्ये आजची किंमत-

शहराचे नाव पेट्रोल डिझेल

दिल्ली 95.41 86.67

मुंबई 109.98 94.14

चेन्नई 101.40 91.43

कोलकाता 104.67 89.79