Petrol Diesel Prices: मुंबईत पेट्रोल 120 रुपयांच्या पुढे; जाणून घ्या तुमच्या शहरातील किंमत

Petrol Diesel Prices Today: सरकारी तेल कंपन्यांनी गुरुवारी सकाळी पेट्रोल आणि डिझेलचे नवे दर जाहीर केले. जागतिक बाजारपेठेत कच्च्या तेलाच्या किमती कमी होऊनही कंपन्यांनी दरात कपात केलेली नाही. मुंबईत एक लिटर पेट्रोलचा दर अजूनही 120.51 रुपये आहे.

तेल कंपन्यांनी ६ एप्रिलला पेट्रोल आणि डिझेलच्या दरात शेवटची वाढ केली होती. तेव्हापासून देशातील चार महानगरांसह सर्व प्रमुख शहरांमध्ये तेलाच्या किमती स्थिर आहेत. जागतिक बाजारात ब्रेंट क्रूडच्या किमतीत लक्षणीय घट झाली असली तरी कंपन्यांनी किमतींवर कोणताही दिलासा दिलेला नाही. देशाची राजधानी दिल्लीत पेट्रोल 105.41 रुपये प्रतिलिटर मिळत आहे. देशातील जवळपास सर्वच शहरांमध्ये पेट्रोल 100 रुपयांच्या वर विकले जात आहे.

देशातील चार प्रमुख महानगरांमधील पेट्रोल आणि डिझेलचे दर:

दिल्ली पेट्रोल 105.41 रुपये आणि डिझेल 96.67 रुपये प्रति लिटर

मुंबई पेट्रोल 120.51 रुपये आणि डिझेल 104.77 रुपये प्रति लिटर

चेन्नई पेट्रोल 110.85 रुपये आणि डिझेल 100.94 रुपये प्रति लिटर

कोलकाता पेट्रोल 115.12 रुपये आणि डिझेल 99.83 रुपये प्रति लिटर

या राज्यांमध्ये पेट्रोलचा दर १०० रुपयांच्या पुढे-

मध्य प्रदेश, राजस्थान, महाराष्ट्र, आंध्र प्रदेश, तेलंगणा, कर्नाटक, ओडिशा, जम्मू-काश्मीर आणि लडाखमध्ये पेट्रोलची किंमत 100 रुपयांच्या वर आहे. मुंबईत पेट्रोलचे दर सर्वाधिक आहेत.

अशा प्रकारे घरबसल्या तेलाच्या किंमती तपासा-

या वेबसाइटवर क्लिक करा https://iocl.com/petrol-diesel-price किंवा Google च्या प्ले स्टोअरवरून IOC चे अ‍ॅप डाउनलोड करा. तसेच 9224992249 वर एसएमएस करा. यासाठी RSP-स्पेस-पेट्रोल पंप डीलरचा कोड लिहून 9224992249 या क्रमांकावर एसएमएस करावा लागेल. अशा पद्धतीने तुम्ही पेट्रोल डिझेलच्या किमती तपासू शकता