Petrol Rate : पेट्रोल-डिझेलच्या दरात पुन्हा वाढ! जाणून घ्या नवे दर

सरकारी तेल कंपन्यांनी पेट्रोल आणि डिझेलच्या दरात (Petrol Diesel Prices) वाढ सुरूच ठेवली आहे. मंगळवारी पेट्रोल आणि डिझेलच्या दरात प्रतिलिटर 80 पैशांची वाढ झाली होती. जोपर्यंत तोटा भरून निघत नाही तोपर्यंत कंपन्या इंधनाचे दर वाढवू शकतात. (Check Today's Petrol Diesel Price Updates)

तेल कंपन्यांनी राजधानी दिल्लीत (Delhi) पेट्रोल आणि डिझेल या दोन्हीच्या दरात प्रतिलिटर 80 पैशांची वाढ केली आहे. दिल्लीत आता पेट्रोल 104.61 रुपये प्रति लीटर दराने विकले जात आहे, तर डिझेल सुमारे 96 रुपये प्रति लिटरवर पोहोचले आहे. मुंबईत (Mumbai)पेट्रोल 119.67 रुपये तर डिझेल 104 रुपयांच्या जवळपास विक्री करत आहे. कंपन्यांनी 15 दिवसांत 13 वेळा भाववाढ केली असून आतापर्यंत 9.40 रुपयांनी भावात वाढ झाली आहे.

इंडियन पेट्रोलियम मार्केटिंग कंपनी (Indian Petroleum Marketing Company) इंडियन ऑइल कॉर्पोरेशनच्या (IOCL) ताज्या अपडेटनुसार, देशाची आर्थिक राजधानी असलेल्या मुंबईत 5 एप्रिल 2022 रोजी पेट्रोलचा दर प्रति लिटर 119.67 रुपये झालाय,तर डिझेलचा दर 103.92 रुपये प्रति लिटरवर पोहोचलाय. राज्यांत पेट्रोल आणि डिझेलच्या किमती बदलताहेत. देशातील चार महानगरांची तुलना केल्यास मुंबईत पेट्रोल आणि डिझेल सर्वात महाग आहे. दिल्लीशिवाय इतर सर्व महानगरांमध्ये 100 रुपयांच्या पुढं डिझेल विकलं जात आहे.

कोणत्या दिवशी पेट्रोलचे दर किती वाढले?

तारीख किती रुपयांनी वाढलं

- 22 मार्च 80 पैसे

- 23 मार्च 80 पैसे

- 25 मार्च 80 पैसे

- 26 मार्च 80 पैसे

- 27 मार्च 50 पैसे

- 28 मार्च 30 पैसे

- 29 मार्च 80 पैसे

- 30 मार्च 80 पैसे

- 31 मार्च 80 पैसे

- 02 एप्रिल 80 पैसे

- 03 एप्रिल 80 पैसे

- 04 एप्रिल 40 पैसे

- 05 एप्रिल 80 पैसे

अशा प्रकारे घरबसल्या तेलाच्या किंमती तपासा

या वेबसाइटवर क्लिक करा https://iocl.com/petrol-diesel-price किंवा Google च्या प्ले स्टोअरवरून IOC चे अॅप डाउनलोड करा. तसेच 9224992249 वर एसएमएस करा. यासाठी RSP-स्पेस-पेट्रोल पंप डीलरचा कोड लिहून 9224992249 या क्रमांकावर एसएमएस करावा लागेल.