Share Market : आज कोणते 10 शेअर्स करतील परफॉर्म ?| Pre Analysis of Share Market | Sakal
sakal

बोलून बातमी शोधा

Share Market pre analysis

Share Market : आज कोणते 10 शेअर्स करतील परफॉर्म ?

नोव्हेंबरच्या एक्सपायरीपूर्वी बुधवारी बाजार एका श्रेणीत व्यवहार करताना दिसला. सेन्सेक्स 92 अंकांनी वधारून 61511 वर बंद झाला तर निफ्टी 23 अंकांनी वाढून 18267 वर बंद झाला. निफ्टी बँक विक्रमी पातळीवर बंद झाली. रेल्वे, फर्टिलायझर्सच्या शेअर्समध्ये जोरदार वाढ झाली. सार्वजनिक क्षेत्रातील बँकांच्या शेअर्सनीही चांगली कामगिरी केली.

ऑटो आणि रियल्टी शेअर्समध्येही खरेदी झाली. मात्र, मेटल आणि आयटी शेअर्सवर दबाव दिसून आला. सेन्सेक्स 92 अंकांनी वाढून 61511 वर बंद झाला. त्याच वेळी, निफ्टी 23 अंकांनी वाढून 18267 वर बंद झाला. निफ्टी बँक 272 अंकांनी वाढून 42729 वर बंद झाला. मिडकॅप्स 81 अंकांनी वाढून 31151 वर बंद झाला. (Pre analysis of share market update 24 November 2022 )

हेही वाचा: Trade Mark Scam : ट्रेडमार्क नियमांचे उल्लंघन तिघांविरुद्ध गुन्हा दाखल

आज कशी असेल बाजाराची स्थिती ?

बाजार वाढीसह खुला झाला पण ही वाढ पुढच्या लेव्हलपर्यंत जाऊ शकली नसल्याचे शेअरखानचे गौरव रत्नपारखी म्हणाले. वरच्या बाजूला आवर्ली बोलिंजर बँडने स्पीड ब्रेकर म्हणून काम केले आणि बाजारातील तेजी थांबवली. आता निफ्टीमध्ये आपण 18100-18000 ची पातळी पाहू शकतो. पण हे करेक्शन एक शॉर्ट टर्म कंसोलिडेशनचा एक भाग असेल. हे कंसोलिडेशन 18000-18450 दरम्यान होऊ शकते. निफ्टीला 18300-18325 या झोनमध्ये रझिस्टंसचा सामना करावा लागत आहे.

दिवसभरातील चढ-उतारांदरम्यान बाजार एका छोट्या श्रेणीत फिरताना दिसल्याचे कोटक सिक्युरिटीजचे श्रीकांत चौहान म्हणाले. चीनच्या लॉकडाऊनच्या बातम्यांचा बाजारावर परिणाम झाला. तांत्रिक दृष्टिकोनातून, निफ्टीने रिव्हर्सलनंतर एक लहान बियरीश कँडल  तयार केली आहे, जे अनिश्चिततेचे संकेत देत आहेत.

हेही वाचा: Liquor stocks :व्होडका-व्हिस्की विकणाऱ्या कंपनीने गुंतवणूकदारांना केले मालामाल...

आजचे टॉप 10 शेअर्स कोणते ?

अपोलो हॉस्पिटल (APOLLOHOSP)
एचडीएफसी लाईफ (HDFCLIFE)
जेएसडब्ल्यू स्टील (JSWSTEEL)
बजाज फायनान्स (BAJFINANCE)
स्टेट बँक ऑफ इंडिया (SBIN)
भारतीय कंटनेर निगम (CONCOR)
एबीबी इंडिया लिमिटेड (ABB)
ए यू बँक (AUBANK)
अशोक लेलँड (ASHOKLEY)
टीव्हीएस मोटर्स (TVSMOTOR)


नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.