रवींद्रनाथ टागोर, अब्दुल कलाम यांचाही फोटो भारतीय नोटांवर दिसू शकतो....

मुंबई : आता तुम्हाला रवींद्रनाथ टागोर आणि एपीजे अब्दुल कलाम यांचाही फोटो भारतीय नोटांवर दिसू शकतो. या दोन्ही व्यक्तीचे फोटो नोटांवर आणायचा आरबीआय विचार करत आहे.

भारताचे राष्ट्रगीत लिहणारे बंगालचे महान व्यक्तिमहत्व असलेले रवींद्रनाथ टागोर आणि भारताचे 11 वे राष्ट्रपती मिसाईल मॅन डॉ एपीजे अब्दुल कलाम या दोन्ही महापुरुषांचे फोटो आता आपल्याला भारतीय चलनी नोटावर महात्मा गांधींसोबत दिसू शकतात.

या आधी सर्व भारतीय चलनी नोटांवर राष्ट्रपिता महात्मा गांधी यांचा वॉटरमार्क कोरण्यात आला आहे.

अर्थ मंत्रालय आणि भारतीय रिझर्व्ह बँक (RBI) एपीजे अब्दुल कलाम आणि रवींद्रनाथ टागोर वॉटरमार्कचा वापर बँक नोटांच्या श्रेणीवर करण्याचा विचार करत आहेत.

विशेष म्हणजे की, आरबीआय(RBI) पहिल्यांदाच नोटांवर महात्मा गांधींव्यतिरिक्त इतर महापुरुषांचा फोटो वापरण्याचा विचार करत आहे.

IIT दिल्लीचे एमेरिटस प्रोफेसर दिलीप शहानी यांनी महात्मा गांधी, एपीजे अब्दुल कलाम आणि रवींद्रनाथ टागोर यांच्या वॉटरमार्क नमुन्यांचे दोन वेगवेगळे संच निवडून सरकारच्या अंतिम विचारासाठी सादर करण्यास सांगितले आहे.

मिळालेल्या माहितीनुसार, ते अर्थ मंत्रालयाच्या अंतर्गत असलेल्या आरबीआय आणि सिक्युरिटी प्रिंटिंग अँड मीटिंग कॉर्पोरेशन ऑफ इंडियाला पाठवण्यात आले आहे.

प्रोफेसर शहा हे वॉटरमार्क शोधणे आणि इलेक्ट्रोमॅग्नेटिक इन्स्ट्रुमेंटेशनमध्ये अत्यंत हुशार आणि माहिर आहेत. या वर्षी जानेवारीमध्ये त्यांना सरकारने पद्मश्री पुरस्कारानेही सन्मानित केले आहे.

सरकारी सूत्रांनुसार,सन 2017 मध्ये, नोटांच्या नवीन मालिकेसाठी सुरक्षा वैशिष्ट्ये पाहण्यासाठी आरबीआयच्या नऊ अंतर्गत समित्यांपैकी एक समिती स्थापन करण्यात आली होती.

त्यांनी सन 2020 मध्ये त्यांचा अहवाल सादर केला आहे.ज्यामध्ये गांधींव्यतिरिक्त टागोर आणि कलाम यांनाही वॉटरमार्क असल्याचे म्हटले आहे.

2000 रुपयांच्या नोटा वगळता इतर सर्व नोटांमध्ये याचा समावेश करण्याचा प्रस्ताव ठेवण्यात आलेला आहे. मात्र, अद्याप अंतिम निर्णय झालेला नाही. मात्र तिघांचेही वॉटरमार्क नमुने मंजूर झाले आहेत. सरकार पातळीवर यावर विचार चालु आहे.