RBI E-Rupee : आनंद महिंद्रा यांनी आरबीआयच्या ई-रुपीद्वारे केले पहिले पेमेंट; व्हिडिओ होतोय व्हायरल

हा व्हिडिओ सोशल मीडियावर मोठ्या प्रमाणावर व्हायरल होत आहे.

Anand MahindraSakal

Anand Mahindra Twitter Video : भारतीय रिझर्व्ह बँकेने (RBI) डिजिटल चलन सुरू केले आहे. सध्या देशात काही निवडक ठिकाणीच डिजिटल चलन वापरले जात आहे.

विशेष म्हणजे RBI ने डिजिटल रुपी पायलट प्रोजेक्टमध्ये मुंबईतील एका फळ विक्रेत्याचा समावेश केला आहे.

देशातील मोठे उद्योगपती आनंद महिंद्रा यांनी बुधवारी या प्रकल्पाचा एक भाग बनून एक व्हिडिओ शेअर केला आहे. हा व्हिडिओ सोशल मीडियावर वेगाने व्हायरल होत आहे.

RBI चे डिजिटल रुपी चलन सुरु झाले आहे आणि आता त्याद्वारे पेमेंट करणे खूप सोपे झाले आहे.

Budget 2023 : अर्थमंत्र्यांच्या उपस्थितीत आज हलवा समारंभ होणार साजरा; जाणून घ्या का आयोजित केला जातो?

महिंद्रा अँड महिंद्रा ग्रुपचे चेअरमन आनंद महिंद्रा यांनी त्यांच्या ट्विटर हँडलवरून पोस्ट केले की, त्यांनी ई-रुपीद्वारे पहिले पेमेंट केले आहे. या ई-रुपीची चाचणी करताना आनंद महिंद्रा यांनी फळे खरेदी केली आहेत.

ट्विटरवर व्हिडिओ पोस्ट केल्यानंतर बचेलाल साहनी सध्या खूप चर्चेत आहेत, कारण आरबीआयने त्यांना डिजिटल रुपी पायलट योजनेचा भाग बनवले आहे.

बचेलाल साहनी हे मूळचे बिहारचे आहेत. 29 वर्षांपासून ते आणि त्यांचे कुटुंब मुंबईतील रिझर्व्ह बँकेच्या मुख्यालयासमोर फळे विकत आहेत.

उद्योगपती आनंद महिंद्रा यांनी ट्विटरवर या घटनेची माहिती दिली. महिंद्रा यांनी ट्विटरवर बचेलाल साहनी या फळ विक्रेत्याचा व्हिडिओ शेअर केला आहे. ज्यामध्ये त्यांनी त्या विक्रेत्याकडून फळे विकत घेतली आणि डिजिटल चलन ई-फॉर्मने पैसे दिले.

At the Reserve Bank’s board meeting today I learned about the @RBI digital currency-the e-rupee. Right after the meeting I visited Bachche Lal Sahani, a nearby fruit vendor who is one of the first merchants to accept it. #DigitalIndia in action! (Got great pomegranates as well!) pic.twitter.com/OxFRWgI0ZJ
— anand mahindra (@anandmahindra) January 25, 2023

त्यांनी ट्विटमध्ये म्हटले आहे की, रिझर्व्ह बँकेच्या आजच्या संचालक मंडळाच्या बैठकीत मला आरबीआयच्या डिजिटल चलन ई-रुपीबद्दल जाणून घेण्याची संधी मिळाली.

या भेटीनंतर लगेच, मी बचेलाल साहनी यांच्याकडे गेलो, जे जवळच फळे विकतात आणि डिजिटल रुपया स्वीकारणाऱ्या देशातील पहिल्या काही व्यापाऱ्यांपैकी एक आहेत.

हेही वाचा : Sarfaraz Khan : धावांचा डोंगर, पण टीम इंडियातील स्थान फिटनेस अभावी गमावलं?

RBI ने 2 प्रकारचे डिजिटल चलन जारी केले आहे. एक CBDC-W आणि दुसरा CBDC-R. पहिला घाऊक पेमेंटसाठी वापरला जाईल आणि दुसरा CBDC किरकोळ पेमेंटसाठी वापरला जाईल.

जरी ते अद्याप प्रायोगिक असले तरी, अनेक लोकांना त्याबद्दल माहिती नाही. सध्या मुंबई, नवी दिल्ली, बंगळुरू आणि भुवनेश्वर येथील लोकांना डिजिटल रुपी वापरण्याची संधी मिळणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

rbi