रिझर्व्ह बँकेकडून रेपो दरात पाव टक्क्यांची कपात

सकाळ वृत्तसेवा
गुरुवार, 7 फेब्रुवारी 2019

रिझर्व्ह बॅंकेने आज (गुरुवार) रेपो दरात 0.25 टक्क्यांची कपात केली आहे. आता रेपो रेट 6.25 टक्क्यांवर आला आहे. तर रिझर्व्ह रेपो 6 टक्क्यांवर आहे. रिझर्व्ह बँकेचे नवे गव्हर्नर शक्तिकांत दास यांच्या अध्यक्षतेखाली  रिझर्व्ह बँकेने आज आपले द्विमाही पतधोरण जाहीर केले आहे.

मुंबई: रिझर्व्ह बॅंकेने आज (गुरुवार) रेपो दरात 0.25 टक्क्यांची कपात केली आहे. आता रेपो रेट 6.25 टक्क्यांवर आला आहे. तर रिझर्व्ह रेपो 6 टक्क्यांवर आहे. रिझर्व्ह बँकेचे नवे गव्हर्नर शक्तिकांत दास यांच्या अध्यक्षतेखाली  रिझर्व्ह बँकेने आज आपले द्विमाही पतधोरण जाहीर केले आहे. 18 महिन्यांनंतर प्रथमच रिझर्व्ह बँकेकडून रेपो दरात कपात करण्यात आली आहे

रेपो दर म्हणजे काय? 
रेपो दर म्हणजे ज्या दराने बॅंका रिझर्व बॅंकेकडून अल्पमुदतीची कर्जे घेतात तो दर. रेपो रेट वाढणं म्हणजे बॅंकांना रिझर्व बॅंकेकडून मिळणाऱ्या कर्जदरात वाढ होणं;तर रेपो रेट कमी होणं म्हणजे बॅंकेला स्वस्तात कर्ज मिळणं. म्हणजेच रिझर्व्ह बॅंकेने रेपो रेट वाढवला तर पर्यायाने सर्व बॅंकांना ग्राहकांना द्यावयाच्या कर्जांचे दरही वाढवावे लागतात;तर हा दर कमी झाल्याने व्याज दर कमी होतो.

रिव्हर्स रेपो दर म्हणजे काय? 
रिव्हर्स रेपो दर म्हणजे रेपो दराच्या अगदी उलट संकल्पना. बॅंका त्यांच्याकडील जास्तीचा निधी ठेवींच्या रूपात रिझर्व बॅंकेकडे जमा करतात. या ठेवींवर रिझर्व्ह बॅंक बॅंकांना देत असलेल्या व्याजदराला रिव्हर्स रेपो दर म्हणतात.

Web Title: Repo rate reduced bu 0.25 percent by RBI