Share Market घसरणीत कमाईची चांगली संधी!

Stock to Buy : शेअर बाजार तज्ज्ञ कायमच गुंतवणुकदारांना चांगल्या स्टॉक्सची माहिती देत असतात. शेअर बाजार (Share Market) तज्ज्ञ संदिप जैन यांनी आता तुमच्यासाठी मेटल सेक्टरमधला दमदार शेअर निवडला आहे. आज बाजारात खळबळ उडाली असून विक्रीचा दबदबा आहे. त्यामुळेच शेअर बाजार तज्ज्ञ संदीप जैन यांनी खरेदीसाठी मजबूत स्टॉक निवडला आहे. हा शेअर शॉर्ट टर्ममध्ये चांगला नफा देऊ शकतो असा विश्वास त्यांना आहे. संदीप जैन यांनी बाजारपेठेत मोठी घसरण होत असताना सॅंदूर मॅंगनीजची (Sandur Manganese)निवड केली आहे. तुम्हालाही शेअर बाजारात खरेदी करायची असेल आणि घसरणीच्या काळात मजबूत कमाई करण्याचा विचार करत असाल, तर तुम्ही या शेअरमध्ये पैसे गुंतवू शकता.

सॅंदूर मॅंगनीजमध्ये (Sandur Manganese) खरेदी का करावी?

सध्या मेटल सेक्टरच्या शेअर्समध्ये चांगली तेजी असल्याचे शेअर बाजार तज्ज्ञ संदिप जैन यांनी सांगितले. त्यात सॅंदूर मॅंगनीज (Sandur Manganese) ही कंपनी खाणकाम करते आणि या क्षेत्रातील आघाडीची खासगी कंपनी आहे. ही कंपनी 1954 पासून कार्यरत आहे. कंपनीने अलीकडेच इंटीग्रेटेड स्टील प्लांटची स्थापना केली आहे.

सॅंदूर मॅंगनीज (Sandur Manganese)

- सीएमपी (CMP) - 2393.90 रुपये

- टारगेट (Target) - 2500 रुपये

कंपनीचे फंडामेंटल्स?

सध्या सॅंदूर मॅंगनीजचा (Sandur Manganese) स्टॉक 4 च्या पीई मल्टिपलवर ट्रेडिंग करत आहे. त्याचा रिटर्न ऑन इक्विटी 16 टक्के आहे. कंपनीला सप्टेंबर तिमाहीत 19 कोटी रुपयांचा नफा झाला होता, तर डिसेंबर तिमाहीत कंपनीने 109 कोटी रुपयांचा नफा कमावला होता. यामध्ये प्रोमोटर्स चा 73-74 टक्के हिस्सा आहे.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.