SBI News : SBI च्या ग्राहकांना मोठा झटका, बँकेने बदलला 'हा' नियम, आता खात्यातून आपोआप कापले जाणार पैसे!

State Bank Of India Latest News : स्टेट बँक ऑफ इंडियामध्ये खाते असलेल्या ग्राहकांसाठी एक मोठी बातमी आहे. जर तुमचेही या सरकारी बँकेत खाते असेल आणि तुमच्या खात्यातून कोणतेही व्यवहार न करता आपोआप पैसे कापले जात असतील तर बँक तुमच्या खात्यातून पैसे का कापत आहेत? जाणून घ्या.

खात्यातून 147.50 रुपये कापले जात आहेत :

सध्या अनेक ग्राहकांच्या खात्यातून पैसे आपोआप कापले जात असल्याचे चित्र आहे. यासोबतच 147.50 रुपयांच्या कपातीचा मेसेज येत आहे. अशा परिस्थितीत हा मेसेज पाहून अनेक ग्राहकांनी बँकेत तक्रारी दाखल केल्या आहेत.

बँक दरवर्षी खात्यातून पैसे कापते :

बँकेच्या बाजूने याबाबत माहिती देताना एसबीआयकडून ग्राहकांच्या खात्यातून हे पैसे डेबिट करण्यात येत असल्याचे सांगण्यात आले आहे. बँक हे पैसे मेंटेनन्स चार्ज म्हणून घेत आहे. हे पैसे बँकेतून वर्षातून एकदाच घेतले जातात. बँकेने ट्विट करून याबाबत माहिती दिली आहे.

हेही वाचा : मेडिकल मॅनेजमेंटही हृदयविकारावर ठरु शकते उपाय

हे पैसे बँकेकडून शुल्क म्हणून कापले जातात. त्याच वेळी, बँकेने जारी केलेल्या डेबिट कार्डसाठी, ग्राहकांकडून वार्षिक 125 रुपये वसूल केले जातात. 18 टक्के दराने जीएसटी जोडला जातो, त्यानंतर ही रक्कम 147.50 रुपये होते.

कार्ड बदलूनही पैसे भरावे लागतात :

याशिवाय जर कोणत्याही ग्राहकाला त्याचे डेबिट कार्ड बदलायचे असेल तर त्यासाठी त्याला जीएसटी शुल्कासह बँकेला 300 रुपये भरावे लागतील.