Share Market: शेअर बाजारात तेजी; निफ्टी 18 हजार पार

शेअर बाजारात सलग दुसऱ्या दिवशी बाजारात तेजी दिसून आली. निफ्टी पुन्हा एकदा 18 हजार अंकांवर गेला आहे. एप्रिल महिन्यात निफ्टीने 18 हजारांचा टप्पा गाठला होता. राष्ट्रीय शेअर बाजार निर्देशांक सेन्सेक्स 455 अंकांच्या तेजीसह स्थिरावला तर निफ्टीमध्ये 133 अंकांची तेजी पाहायला मिळाली. सेन्सेक्समध्ये आज 0.76 टक्क्यांची वाढ होऊन तो 60,571 अंकांवर स्थिरावला तर निफ्टीमध्ये 0.75 टक्क्यांची वाढ होऊन तो 18,070 अंकांवर स्थिरावला आहे.

आज शेअर बाजारात 1858 कंपन्यांच्या शेअर दरात तेजी दिसून आली. तर, 1634 कंपन्यांचे दर घसरले. आज शेअर मार्केटमध्ये आयटी, रिअल इस्टेट, ऑईल अॅण्ड गॅस सेक्टर वगळता इतर सर्व सेक्टरमधील शेअर दरात तेजी दिसून आली आहे. बँकिंग, ऑटो, फार्मा, एफएमसीजी, एनर्जी, ग्राहकोपयोगी वस्तूच्या शेअर दरात तेजी दिसून आली आहे. स्मॉल कॅप आणि मिड कॅप इंडेक्समध्येही तेजी दिसून आली आहे.

आज पहिल्या सत्रात सेन्सेक्स 331 अंकांच्या तेजीत असून निफ्टी 110 अंकांवर व्यवहार करत होता. तर सेन्सेक्समध्ये आज 0.61 टक्क्यांची वाढ होऊन तो 60,479 अंकांवर सुरू झाला आहे. तर निफ्टीमध्ये 0.63 टक्क्यांची वाढ होऊन तो 18,049 अंकांवर सुरू झाला होता.