शेअर बाजार तेजीत पण टाटाच्या शेअर्समध्ये घसरण

आठवड्याच्या दुसऱ्याच दिवशी शेअर बाजारात अस्थिरता दिसून आली. अखेरच्या सत्रात शेअर बाजार तेजीसह बंद झाला. सेन्सेक्स 246 अंकाच्या तेजीसह 54,767 वर बंद झाला तर निफ्टी 50 अंकाच्या तेजीसह 16,328 वर बंद झाला.

आज शेअर बाजारात 33 शेअर्समध्ये तेजी दिसून आली तर 17 शेअर्समध्ये घसरण दिसून आली. HCLTECH, TATAMOTORS, KOTAKBANK, CIPLA, TATACONSUM सारख्या शेअर्समध्ये लक्षणीय घसरण दिसून येत आहे.

आज सुरवातीच्या सत्रात सेन्सेक्स 186 अंकाच्या घसरणीसह 54,335 वर सुरू झाला तर निफ्टी 54 अंकाच्या घसरणीसह 16,223 सुरू झाला.

सोमवारी पहिल्या दिवशी बाजारात तेजी पाहायला मिळाली. हेवीवेट स्टॉक्स आणि सर्व क्षेत्रातील खरेदी यामुळे सेन्सेक्स 760.37 अंकांनी म्हणजेच 1.41 टक्क्यांच्या वाढीसह 54,521.15 वर बंद झाला. दुसरीकडे, निफ्टी 229.30 अंकांच्या म्हणजेच 1.43 टक्क्यांच्या वाढीसह 16,278.50 वर बंद झाला.

चांगल्या जागतिक संकेतांमुळे बाजारातील वातावरण सुधारले आणि सर्वच सेक्टरमधील खरेदीमुळे सेन्सेक्स 54000 च्या वर आज बंद झाला नुकत्याच झालेल्या घसरणीमुळे काही शेअर्स अतिशय आकर्षक किंमतींवर आहेत. अशा स्थितीत आयटी, मेटल आणि टेलिकॉम शेअर्समध्ये खरेदी दिसून आली.