Share Marketमध्ये तेजी,आठवड्याच्या शेवटच्या दिवशी गुंतवणूकदारांना दिलासा

गेला आठवडाभर शेअर बाजारात चढउतार पाहायला मिळाला. गुरुवारी शेअर बाजारात तेजी दिसून आली तर आज आठवड्याच्या शेवटच्या दिवशीही शेअर बाजार तेजीत दिसला आणि अखेर शेवटच्या सत्रातही शेअर बाजार तेजीसह बंद झाला. सेन्सेक्स 460 अंकाच्या तेजीसह 52,720 वर बंद झाला तर निफ्टी142 अंकाच्या तेजीसह 15,700 वर बंद झाला. (share market update)

आज शेअर बाजारात 41 कंपन्यांंचे शेअर्स तेजीत होते तर 9 कंपन्याचे शेअर्स घसरले. WIPRO, COALINDIA, HCLTECH आणि TCS सारख्या 9 कंपन्याच्या शेअर्स मध्ये कमालीची घसरण पाहायला मिळाली. (share market closing update 24 june 2022)

आज सुरवातीच्या सत्रात शेअर बाजार तेजीसह उघडला होता. सेन्सेक्स 530 अंकाच्या तेजीसह 52,804 वर सुरू झाला तर निफ्टी 165 अंकाच्या तेजीसह 15,722 वर सुरू झाला.

गुरुवारी शेअर बाजार हिरव्या रंगात अर्थात वाढीसह बंद झाला होता. सेन्सेक्स 443.19 अंकांच्या म्हणजेच 0.86 टक्क्यांच्या वाढीसह 52,265.72 वर बंद झाला. दुसरीकडे, निफ्टी 143.35 अंकांच्या म्हणजेच 0.93 टक्क्यांच्या वाढीसह 15556.65 वर बंद झाला डेली RSI पॉझिटीव्ह डायव्हर्जन दाखवत आहे, जे येत्या काळात बाजारासाठी चांगले संकेत आहे

अदानी ग्रुपच्या 'या' शेअरचा 20 वर्षात 22000% परतावा

अलीकडच्या काळात अदानी एंटरप्रायझेसचे (Adani Enterprises) शेअर्स दबावाखाली आहेत पण लाँग टर्मचा विचार केल्यास या शेअरने गुंतवणूकदारांना मोठा परतावा दिला आहे. गेल्या 20 वर्षांमध्ये, अदानी एंटरप्रायझेसच्या शेअर्समध्ये सुमारे 221 पट वाढ झाली आहे आणि हा शेअर 9.41 रुपयांवरून 2082.10 रुपयांपर्यंत वाढला आहे. याचा अर्थ असा की गेल्या 20 वर्षांत या शेअरने सुमारे 22,000 टक्के परतावा दिला आहे.