Share Market: बाजार स्थिरावला, मात्र आयटी अन् बँकीग शेअर्समध्ये घसरण

आज आठवड्याचा शेवटचा दिवस असल्याने शेअर बाजाराकडे सर्वांचे लक्ष लागले होते. सुरवातीच्या सत्रात शेअर बाजार तेजीसह सुरू झाला. दिवसभर बाजारात शेअर्समध्ये चढउतार कायम होता. अखेर शेवटच्या सत्रात शेअर बाजात तेजीसह बंद झाला.

सेन्सेक्स 203 अंकाच्या तेजीसह 59,959 वर बंद झाला तर निफ्टी 49 अंकाच्या 17,786 तेजीसह वर बंद झाला.

आज सुरवातीच्या सत्रात शेअर बाजारात सेन्सेक्स 212 अंकाच्या तेजीसह 59,756 वर सुरू झाला तर निफ्टी 80 अंकाच्या तेजीसह 17,736 वर सुरू झाला होता तर गुरुवारी ऑक्टोबर एक्स्पायरीच्या दिवशी बाजार वाढीसह बंद झाला.

आयटी वगळता सर्व क्षेत्र निर्देशांकात गुरुवारी तेजी दिसून आली. सेन्सेक्स 213 अंकांनी वाढून 59 हजार 757 वर बंद झाला होता. तर निफ्टी 81 अंकांनी वर चढून 17 हजार 737 वर बंद झाला होता.

आज मिडकॅप, स्मॉल कॅप शेअर्समध्ये खरेदी दिसून आली. रियल्टी, मेटल, एनर्जी शेअर्समध्ये तेजी दिसून आली. यासोबतच फार्मा, एफएमसीजी शेअर्समध्येही खरेदी दिसून आली.

आज शेअर्स 30 आले तर 19 शेअर्स खाली आले. यात विशेषत: टाटाच्या शेअर्समध्ये घसरण दिसून आली तर आज आयटी अन् बॅंकीग शेअर्सही खाली पडले. सुरवातीच्या सत्रात 32 शेअर्समध्ये तेजी तर 18 शेअर्समध्ये घसरण दिसून आली होती.