Share Market: शेअर बाजारात तेजी कायम; सेन्सेक्स 146 निफ्टी 25 अंकांवर

शेअर बाजारात आज दिवसभरात तेजी दिसून आली आहे. सेन्सेक्समध्ये आज 0.25 टक्क्यांची वाढ झाली असून तो 59,107 अंकांवर स्थिरावला. तर निफ्टीमध्ये आज 0.14 टक्क्यांची वाढ होऊन तो 17,512 अंकावर स्थिरावला आहे. शेअर बाजारात सकाळच्या सत्रातही तेजी दिसून आली आहे. जागतिक शेअर बाजारात दिसत असलेल्या सकारात्मक संकेताने भारतीय शेअर बाजारात तेजी दिसून येत आहे.

आठवड्याच्या सुरवातीला शेअर बाजारात अस्थिरता दिसून आली होती. परंतु गेल्या दोन दिवसात शेअर बाजार तेजीत असल्याचे दिसून आले आहे. शेअर बाजाराची सुरवात आजही तेजीसह झाली. सेन्सेक्स 59,196.96 अंकांवर खुला झाला होता. तर, निफ्टी निर्देशांक 17,568.15 अंकांवर खुला झाला होता.