Share Market: शेअर बाजारात दिवसभरात पडझड; सेन्सेक्स 861 तर निफ्टी 246 अंकांनी आपटला | Sakal
sakal

बोलून बातमी शोधा

Todays Share Market News

Share Market: शेअर बाजारात दिवसभरात पडझड; सेन्सेक्स 861 तर निफ्टी 246 अंकांनी आपटला

आज शेअर बाजारात मोठी पडझड झाली. शेअर बाजारात आजही अस्थिरता कायम दिसून आली. शेअर बाजाराचा निर्देशांक सेन्सेक्स 861 अंकांनी घसरला. तर निफ्टी 246 अंकांनी घसरला आहे. सेन्सेक्समध्ये आज 1.46 टक्क्यांची घसरण होऊन तो 57,972 अंकांवर वधारला. तर निफ्टीमध्ये आज 1.40 टक्क्यांची घसरण होऊन तो 17,312 अंकावर घसरला आहे. त्याचबरोबर आज आयटी क्षेत्राला मोठा फटका बसला आहे.

बाजारातील व्यवहार सुरू होताच शेअर बाजारात सुरू असलेल्या घसरणीचा परिणाम भारतीय शेअर बाजारात दिसून आला. आज बाजारात सुरुवातीला शेअर बाजाराचा निर्देकांक सेन्सेक्स 1,057 अंकांच्या घसरणीसह 57,776 अंकांवर खुला झाला. तर, निफ्टी निर्देशांक 310 अंकांच्या घसरणीसह 17,248 अंकांवर खुला झाला. त्यानंतर बाजार काही प्रमाणात सावरल्याचे चित्र होते.

शेअर बाजारात आज मोठी घसरण पाहायला मिळाली तसेच परकीय चलन बाजाराच्या आकडेवारीनुसार बाजार उघडताच रुपयाने घसरण दाखवण्यास सुरुवात केली. डॉलरच्या तुलनेत रुपया खालच्या स्तरावर घसरला आहे. ऐतिहासिक घसरणीसह रुपया 80 रुपये पार करून 80.11 पैशांवर घसरला आहे.

हेही वाचा: मुकेश अंबानींची मोठी घोषणा; दिवाळीत होणार जिओ '5G' चा धमाका

शुक्रवारी डॉलरचा भाव 79.87 पैसे होता. आज बाजार उघडताच डॉलरच्या तुलनेत रुपयाचा भाव 80.11 रुपयांवर पोहचला आहे. शुक्रवारच्या तुलनेत 21 पैशांची घसरण नोंदवली गेली आहे. रुपयाची डॉलरच्या तुलनेत कमालीची घरसण झाली आहे.

आज मुकेश अंबानी यांनी 5 G दिवाळीमध्ये रिलायन्स जिओ 5जी इंटरनेट सेवा दिवाळीपासून सुरू होणार असल्याची घोषणा रिलायन्स इंडस्ट्रीजचे चेअरमन मुकेश अंबानी यांनी नुकतीच केली आहे. या घोषणेमुळे रिलायन्स इंडस्ट्रीजच्या एजीएमवर आरआयएलच्या गुंतवणूकदारांसोबतच कॉर्पोरेट जगताच्याही नजरा खिळल्या आहेत.

येणाऱ्या काही दिवसांमध्ये शेअर मार्केट आणि जागतिक बाजारपेठेत यामुळे काही बदल होऊ शकतात. त्यामुळे येणाऱ्या काही दिवसात शेअर मार्केटवर सर्वांच लक्ष्य लागून राहण्याची शक्यता आहे.

हेही वाचा: Share Market: शेअर बाजारात तेजीला पुन्हा ब्रेक, सेन्सेक्स 1200 अंकांनी घसरला

आज एकूण 1414 कंपन्यांच्या शेअर्समध्ये वाढ झाली असून 1989 कंपन्यांच्या शेअर्समध्ये घसरण झाली आहे. तर 205 कंपन्यांच्या शेअर्समध्ये कोणताही बदल झालेला नाही. तर आज Tech Mahindra, Infosys, Wipro, HCL Technologies आणि TCS या कंपन्यांच्या निफ्टीमध्ये घसरण झाली आहे. तर Britannia Industries, Maruti Suzuki, Apollo Hospitals, Nestle India आणि Asian Paints या कंपन्यांच्या निफ्टीध्ये वाढ झाली आहे. बीएसई स्मॉलकॅप आणि मिडकॅपमध्ये 0.5 टक्क्यांची घसरण झाली आहे.

Web Title: Share Market Closing Updates 29 August 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..