बाजार सलग सहाव्या दिवशी चढतीकडे मार्गस्थ

वृत्तसंस्था
Thursday, 4 June 2020

भारतीय शेअर बाजारातील बँकिंग आणि वित्तीय क्षेत्रातील स्टॉक्सनी आज सलग सहाव्या दिवशी वृद्धी करणा-या व्यापारासाठी इंधन पुरवण्याचे काम कले.निफ्टी ८२.४५अंक म्हणजेच ०.८३%वाढून १०,०६१.५५अंकांवर बंद झाला.

मुंबई - भारतीय शेअर बाजारातील बँकिंग आणि वित्तीय क्षेत्रातील स्टॉक्सनी आज सलग सहाव्या दिवशी वृद्धी करणा-या व्यापारासाठी इंधन पुरवण्याचे काम कले. निफ्टी ८२.४५ अंक म्हणजेच ०.८३% वाढून १०,०६१.५५ अंकांवर बंद झाला. तर सेन्सेक्सदेखील २८४.०१ अंकांची किंवा ०.८४%ची बढत घेत ३४,१०९.५४ अंकांवर स्थिरावल्याचे एंजल ब्रोकिंग लिमिटेडचे प्रमुख सल्लागार श्री अमर देव सिंह यांनी सांगितले.

ताज्या बातम्यांसाठी डाऊनलोड करा ई-सकाळचे ऍप

नॅशनल स्टॉक एक्सचेंजवरील ११ पैकी ९ सेक्टरल्सनी आज हिरव्या रंगाची स्थिती दर्शवली. यात निफ्टी पीएसयू बँक इंडेक्सनी नेतृत्व केले. यात आज ५ टक्क्यांची वृद्धी झाली. इतर निफ्टी निर्देशांकात निफ्टी बँक, रिअॅलिटी, फायनान्शिअल सर्व्हिसेस आणि प्रायव्हेट बँकांचा समावेश असून यांनी जवळपास १-३ टक्क्यांनी वृद्धी घेतली.

प्रमुख लाभधारकांमध्ये कोटक महिंद्रा (३.११% ), आयसीआयसीआय बँक (२.६१%), एमअँडएम (५.४३%), बजाज फायनान्स (३.१५%) आणि नेस्ले (२.६८%) यांचा समावेश होता तर एनटीपीसी (१.९६%), विप्रो (१.७४%), भारती इन्फ्राटेल (१.९५%), झी एंटरटेनमेंट (१.९९%), आणि इंडसइंड बँक (१.५१%) हे टॉप लूझर्समध्ये समाविष्ट होते.

पुण्याच्या बातम्या वाचण्यासाठी येथे  क्लिक करा

जागतिक बाजारपेठ: जागतिक बाजारानेही वृद्धीची दिशा कायम ठेवून तीन महिन्यातील उच्चांकाला स्पर्श केला. एमएससीआय वर्ल्ड इक्विटी इंडेक्स ४९ देशांतील शेअर्सचे प्रतिनिधीत्व करते. हा इंडेक्स ६ मार्च २०२० नंतर आज सर्वोच्च स्तरावर पोहोचला.

कमोडिटीजमध्ये तेलाच्या किंमती वाढल्या. मार्च २०२० पासून या किंमतींनी प्रथमच ४० डॉलर प्रति बॅरल एवढे मूल्य गाठले. कोव्हिड-१९ मुळे निर्माण झालेल्या संकटातून सुधारणेचे संकेत आणि अमेरिकी इन्व्हेंटरीच्या खालावलेल्या पातळीमुळे कच्च्या तेलाच्या किंमती वाढल्या.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Share market continues to surge