शेअर मार्केटमध्ये जोरदार घट! सेन्सेक्समध्ये 770 अंशाची घसरण

मुंबई: आठवड्याच्या चौथ्या दिवशी शेअर मार्केट लाल निशाण्यावर उघडल्याचं दिसून आलं. त्यानंतर दिवसभराच्या घडामोडीनंतर शेवटी घसरणीसह लाल निशाण्यावरच बंद झालेला दिसून आला. बॉम्बे स्टॉक एक्स्चेंज (BSE) च्या सेन्सेक्स या निर्देशांकामध्ये 770 अंशांची जोरदार घसरण झाली आहे. या घसरणीसह सेन्सेक्स सध्या 58,788 च्या स्तरावर बंद झाला आहे. यासोबतच नॅशनल स्टॉक एक्स्चेंजचा निफ्टी हा निर्देशांक देखील घसरलेला दिसून आला. निफ्टीमध्ये 220 अंशांची घट दिसून आली. या घसरणीसह निफ्टी 17,560 च्या स्तरावर बंद झाला.

याआधी गुरुवारपर्यंत तीन दिवसांच्या तेजीनंतर शेअर मार्केटच्या दोन्ही निर्देशांकामध्ये प्रचंड घसरण झालेली दिसून आली. याआधी बुधवारी सेन्सेक्स 745 अशांच्या तेजीसह 59,608 च्या स्तरावर बंद झाला होता. तर दुसरीकडे निफ्टी देखील 215 अशांच्या तेजीसह 17,792 च्या स्तरावर बंद झाला होता.