Share Market: दमदार सुरुवातीनंतर शेअर बाजारात घसरण; सेन्सेक्स 48, तर निफ्टी 43 अंकांनी घसरला

Share Market: दमदार सुरुवातीनंतर आज शेअर बाजारात घसरण झाली. सेन्सेक्स आणि निफ्टी दोन्ही निर्देशांक दिवसअखेर लाल चिन्हात बंद झाला. सेन्सेक्स 48.88 अंकांनी अर्थात 0.09 टक्क्यांनी घसरून 55769.23वर बंद झाला, तर निफ्टी 43.70 अंकांनी अर्थात 0.26 टक्क्यांनी घसरून 16628 वर बंद झाला. सनफार्मा, एचसीएलटेक, विप्रो, टिसीएस, टेक महिंद्रासह 11 शेअर्स वाढीसह बंद झाले, तर ग्रासिम, अल्ट्राटेक सिमेंट, श्री सिमेंट, हिरो मोटोकॉर्प, मारूतीसह 39 शेअर्समध्ये घसरण नोंदवली गेली.

तत्पूर्वी आजच्या दिवसाच्या सुरुवातीला शेअर बाजारात तेजी दिसून आली. सेन्सेक्स आणि निफ्टी दोन्ही निर्देशांकांनी गॅपअप ओपनिंग दिलं. सेन्सेक्स 427.49 अंकांनी वधारून 56245.60 वर सुरु झाला, तर निफ्टी 133.65 अंकांनी वधारून 16,761.65 वर सुरु झाला. निफ्टी 50 मधील एचसीएल टेक, विप्रो, इन्फोसिस, टेक महिंद्रा, हिंदाल्कोसह 46 शेअर्स वाढीसह सुरु झाले, तर एनटीपीसी, भारती एअरटेल, हिंदुस्तान युनिलिव्हर, ग्रासिम या 4 शेअर्समध्ये घसरणीची नोंद झाली.