Share Market: शेअर बाजार कोसळला; निफ्टी-50 मधील सर्व शेअर्समध्ये घसरण | Sakal
sakal

बोलून बातमी शोधा

Share Market Latest News Updates
Share Market: शेअर बाजार कोसळला; सेन्सेक्स 55000च्या खाली, निफ्टी 50 मधील सर्व शेअर्समध्ये घसरण

Share Market: शेअर बाजार कोसळला; निफ्टी-50 मधील सर्व शेअर्समध्ये घसरण

Share Market Updates: बुधवारी रिझर्व बँकेने (Reserve Bank) रेपो दरात वाढ केल्यानंतर शेअर बाजार कोसळला होता. परंतु काल मात्र शेअर बाजार स्थिर राहिला. आजच्या दिवसाच्या सुरुवातीला शेअर शेअर बाजारात मोठी घसरण झाली असून सेन्सेक्स आणि निफ्टी दोन्ही निर्देशांक कोसळले आहेत. सेन्सेक्स आज 773.94 अंकांनी कोसळून 54,928.29 वर सुरु झाला. सेन्सेक्स सकाळी 9.30 वाजेपर्यंत 54,721.78ची पातळी गाठली होती. तर निफ्टी 267.1अंकांच्या घसरणीसह 16,415.55 वर सुरु झाला. सकाळी 9.30 वाजेपर्यंत निफ्टी 50 मधील सर्वच्या सर्व 50 शेअर्स लाल रंगात ट्रेड करत होते. सकाळी 9.40 वाजेपर्यंत M&M, HEROMOTOCO, RELIANCE, ITC, COALINDIA, POWERGRID या शेअर्समध्ये वाढ दिसू लागली. मात्र अन्य 44 शेअर्समधील घसरण कायम होती.

हेही वाचा: Share Market: शेअर बाजार सावरला; सेन्सेक्स 586 तर निफ्टी 177 अंकांनी वधारला

आरबीआयने व्याजदरात अचानक वाढ केल्यानंतर बुधवारी बाजारात सेन्सेक्स-निफ्टीमध्ये मोठी घसरण झाली. दरम्यान, यूएस फेडने व्याजदरात 0.50 टक्के वाढ जाहीर केल्यानंतर जागतिक बाजाराला काहीसा दिलासा मिळाल्याचे दिसत आहे. गुरुवारी सकाळच्या व्यवहारात आशियाई बाजारातही चांगली तेजी पाहायला मिळाली. पण, शेवटी जगभरातील सर्वच बाजारांचा नफा कमी होऊन सपाट बंद झाल्याचे दिसून आले.

हेही वाचा: 'हे' दोन शेअर्स करतील तुम्हाला मालामाल, तज्ज्ञांना विश्वास...

भारतीय शेअर बाजारही त्याला अपवाद नव्हता. सकाळी जोरदार सुरुवात झाल्यानंतर हळूहळू तो दबावाखाली येऊ लागला आणि दुपारच्या जेवणानंतरच्या ट्रेडिंग सत्रात बाजारावर नफावसुलीचे (Profit Booking) वर्चस्व राहिले. व्यवहाराच्या शेवटी, सेन्सेक्स 33.20 अंकांच्या अर्थात 0.06 टक्क्यांच्या किरकोळ वाढीसह 55,702.23 वर बंद झाला. निफ्टी 5.05 अंकांच्या अर्थात 0.03 टक्क्यांच्या किरकोळ वाढीसह 16,682.65 वर बंद झाला.

Web Title: Share Market Live Updates Big Fall In Sensex And Nifty

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top