Share Market: शेअर बाजाराची तेजीने सुरुवात; सेन्सेक्स 487 तर निफ्टी 138 अंकांनी वधारला

Share Market Updates: नव्या आर्थिक वर्षातही शेअर बाजारात तेजीचं सत्र सुरु राहिले. शेअर बाजारात आजच्या दिवसाची सुरुवातही तेजीने झाली. सेन्सेक्स 487.44 अंकांनी वधारून 59,764.13 वर सुरु झाला तर निफ्टी 138.65 अंकांच्या वाढीसह 17,809.10वर सुरु झाला. निफ्टी 50 मधील 25 शेअर्समध्ये दिवसाच्या सुरुवातील वाढ झाली, 23 शेअर्समध्ये घट झाली तर 2 शेअरच्या किंमतीत कोणताही बदल झाला नाही.

भारतीय शेअर बाजाराने 2022-23 या आर्थिक वर्षाची सुरुवात अतिशय दमदार केली. 1 एप्रिलला बँक, पॉवर, ऑइल अँड गॅस आणि रिअ‍ॅल्टी शेअर्सच्या चांगल्या कामगिरीमुळे सेन्सेक्स आणि निफ्टी 1 टक्क्यांहून अधिक वाढीसह बंद झाले. सेन्सेक्स (Sensex) इंट्राडेमध्ये 59,396.62 च्या पातळीवर पोहोचला. व्यवहाराच्या शेवटी, 708.18 अंकांच्या अर्थात 1.21 टक्क्यांच्या वाढीसह 59,276.69 वर बंद झाले. हाच निफ्टी इंट्राडेमध्ये 17,703 च्या पातळीवर पोहोचला आणि व्यवहाराच्या शेवटी 205.70 अंकांच्या अर्थात 1.18 टक्क्यांच्या वाढीसह 17,670.45 वर बंद झाला.