Share Market: शेअर बाजार सकारात्मक; सेन्सेक्स 95 तर निफ्टी 21 अंकांच्या वाढीसह सुरु

Share Market Updates: गेल्या काही दिवसांपासून शेअर बाजारात तेजीचं सत्र सुरु आहे. गुरुवारीही शेअर बाजाराची सुरुवात किंचित वाढीसह झाली. सेन्सेक्स 95.72 अंकाच्या वाढीसह 58856.30वर सुरु झाला, तर निफ्टी 20.95 अंकांच्या वाढीसह 17519.20वर सुरु झाला. सकाळी 10 वाजेपर्यंत शेअर बाजाराचा चढता आलेख चालूच राहिला. सेन्सेक्स 145.91 अंकांच्या म्हणजेच 0.25 टक्क्यांच्या वाढीसह 58829.90वर पोहोचला झाला. तर निफ्टी 45.45 अंकांच्या म्हणजेच 0.26 टक्क्यांच्या वाढीसह 17,543.70 वर पोहोचला आहे.

तत्पूर्वी काल बुधवारी बाजारात सलग तिसऱ्या दिवशी तेजीचे वातावरण दिसून आले. बाजाराने गेल्या 6 महिन्यांतील उच्चांक गाठला. रशिया आणि युक्रेनमधील शांतता चर्चेमुळे ऑटो, आयटी, बँका, कॅपिटल गुड्स आणि रिअॅल्टी स्टॉकमध्ये वाढ झाली. सेन्सेक्स 740.34 अंकांच्या अर्थात 1.28 टक्क्यांच्या वाढीसह 58,683.99 वर बंद झाला. दुसरीकडे, निफ्टी 146.95 अंकांच्या अर्थात 1 टक्क्यांच्या वाढीसह 17,498.25 वर बंद झाला.