Share Market: शेअर बाजारात अस्थिरता? सेन्सेक्स 224 तर निफ्टी 55 अंकांनी घसरला

शेअर बाजारात आजही अस्थिरता दिसून येत आहे. शेअर बाजारातील आजच्या व्यवहाराची सुरुवात घसरणीसह झाली आहे. काल शेअर बाजाराच्या पहिल्या सत्राची सुरवात घसरणीसह झाली होती. त्यानंतरच्या काही वेळेत बाजार सावरला. आजही शेअर बाजारात अस्थिरता राहण्याची शक्यता आहे.

आज बाजारात सुरुवातीला शेअर बाजाराचा निर्देकांक सेन्सेक्स 224 अंकांच्या घसरणीसह 58,806 अंकांवर खुला झाला. तर, निफ्टी निर्देशांक 55 अंकांच्या घसरणीसह 17,509 अंकांवर खुला झाला. त्यानंतर बाजार काही प्रमाणात सावरल्याचे चित्र होते.

मंगळवारी सलग दोन दिवसांची बाजारातील घसरण थांबली आणि सेन्सेक्स-निफ्टी हिरव्या चिन्हात बंद झाले. ऑटो, बँक, मेटल, ऑईल अँड गॅस शेअर्समध्ये खरेदीमुळे बाजाराला सपोर्ट मिळाला. शेवटी, सेन्सेक्स 257.43 अंकांच्या अर्थात 0.44 टक्क्यांच्या वाढीसह 59,031.30 वर बंद झाला. दुसरीकडे, निफ्टी 86.80 अंकांनी अर्थात 0.50 टक्क्यांनी वाढून 17,577.50 वर बंद झाला.

आजचे टॉप 10 शेअर्स कोणते ?

• महिन्द्रा अँड महिन्द्रा (M&M)

• आयशर मोटर्स (EICHERMOT)

• बजाज फिनसर्व्ह (BAJAJFINSV)

• टायटन (TITAN)

• टाटा स्टील (TATASTEEL)

• आयडीएफसी फर्स्ट बँक (IDFCFIRSTB)

• भारत इलेक्ट्रीकल लिमिटेड (BEL)

• अशोक लेलँड (ASHOKLEY)

• लॉरस लॅब (LAURUSLABS)

• ट्रेंट (TRENT)