Share Market: बाजार तेजीसह सुरू, मात्र आयटीच्या 'या' शेअर्समध्ये मोठी घसरण

आज आठवड्याच्या शेवटच्या दिवशी शेअर मार्केटकडे गुंतवणूकदारांचे लक्ष वेधले. विकली एक्सपायरीच्या दिवशी अर्थात गुरुवारी मार्केट रेंजमध्ये राहिल्याचे दिसून आले आणि मार्केट घसरणीसह बंद झाला. आजही सुरवातीच्या सत्रात शेअर बाजार तेजीह सुरू झाला.

सेन्सेक्स 137 अंकाच्या तेजीसह 60,973 वर सुरू झाला तर निफ्टी 50 अंकाच्या तेजीसह 18,100 वर सुरू झाला. (share market opening update 4 November 2022 ndj97)

गुरुवारी सेन्सेक्स 70 अंकांनी घसरून 60836 वर आणि निफ्टी 30 अंकांनी घसरून 18053 वर बंद झाला. बँक निफ्टी खालच्या स्तरावरून 1 टक्क्यांनी वाढला होता. आज आठवड्याचा शेवटचा दिवस असल्याने तसेच बाजारात अस्थिरता दिसून येत असल्याने गुंतवणूकदारांमध्ये धाकधूक कायम राहील.

गुरुवारी सेन्सेक्समधील 30 पैकी 16 शेअर्सची विक्री झाली होती तर त्याच वेळी, निफ्टीच्या 50 पैकी 25 शेअर्सची विक्री झाली होती. निफ्टी बँकेच्या 12 पैकी 9 शेअर्सची खरेदी झाली होती. मात्र आज शेअर बाजारात अस्थिरता दिसत असल्याने 37 शेअर्स वर आहे तर 13 शेअर्स खाली आहे.

आज आयटीच्या शेअर्समध्ये लक्षणीय घसरण दिसून येत आहे. यात TCS, WIPRO शेअर्समध्ये मोठी घसरण दिसून येत आहे.

आजचे टॉप 10 शेअर्स कोणते ?
टेक महिन्द्रा (TECHM)
हिन्दाल्को (HINDALCO)
पॉवरग्रीड (POWERGRID)
आयशर मोटर्स (EICHERMOT)
एनटीपीसी (NTPC)
व्होल्टास (VOLTAS)
बालक्रिष्ण इंडस्ट्रीज (BALKRISIND)
हिन्दुस्थान पेट्रोलियम (HINDPETRO)
ज्युबिलंट फूड्स (JUBLFOOD)
पेज इंडिया (PAGEIND)