Share Market: शेअर बाजारात पडझडीचं सत्र थांबलं, सेन्सेक्सची भरारी

आठवड्याच्या पहिल्या दिवस शेअर बाजारासाठी आश्वासक सुरुवात घेऊन आला आहे. गेले अनेक दिवस बाजारात पडझड पाहायला मिळत होती. तिथेच आज मात्र सेन्सेक्स आणि निफ्टी दोघांनीही चांगली तेजी दिसून येत आहे. सेन्सेक्स 101 अंकाच्या तेजीसह 61,059 वर सुरू झाला तर निफ्टी 63 अंकाच्या तेजीसह 18,181 वर सुरू झाला.

आज कशी असेल बाजाराची स्थिती ?
बाजाराने दुसर्‍या ट्रेडिंग सत्रात कंसोलिडेशन पाहिले आणि जवळपास अर्धा टक्का वाढ झाल्याचे रेलिगेअर ब्रोकिंगचे अजित मिश्रा म्हणाले. इंडेक्स कंसोलिडेशनच्या दरम्यान पॉझिटीव्ह टोन आहे, जे बाजारात खरेदीचे स्पष्ट संकेत देत आहे.

युरोपीय बाजारातील रिकव्हरी आणि आशियाई बाजारातील तेजीमुळे शुक्रवारी भारतीय बाजारांमध्ये उत्साह दिसून आल्याचे कोटक सिक्युरिटीजचे अमोल आठवले यांनी सांगितले. भारतीय अर्थव्यवस्था जागतिक आव्हानांपासून पूर्णपणे संरक्षित नसली तरी, अलीकडील मजबूत जीएसटी डेटा आणि आयआयपी क्रमांक येत्या काळात परिस्थिती सुधारू शकते असे संकेत देत आहेत.

आजचे टॉप 10 शेअर्स कोणते ?

अदानी एन्टरप्रायझेस (ADANIENT)
हिन्दाल्को (HINDALCO)
बजाज फिनसर्व्ह (BAJAJFINSV)
जेएसडब्ल्यू स्टील (JSWSTEEL)
अदानी पोर्ट्स (ADANIPORTS)
झिंदाल स्टील (JINDALSTEL)
श्रीराम ट्रान्सपोर्ट फायनान्स लिमिटेड (SRTRANSFIN)
बालक्रिष्ण इंडस्ट्रीज (BALKRISIND)
एमआरएफ (MRF)
गोदरेज प्रॉपर्टीज (GODREJPROP)