सेन्सेक्स आणि निफ्टीमध्ये पडझड; मोठ्या शेअर्सचे कोसळले भाव

मुंबई : आठवड्यातील आजच्या चौथ्या दिवशी (गुरुवार) शेअर बाजार लाल चिन्हासह सुरु झाला. बॉम्बे स्टॉक एक्स्चेंजचा निर्देशांक असलेल्या सेन्सेक्स २५८.५६ अंकांच्या घसरणीसह ६०,८८४.७७ स्तरावर तर नॅशनल स्टॉक्स एक्स्चेंजच्या निर्देशांक निफ्टी देखील ७२.२० अंकांच्या घसरणीसह १८,१३८.७५ वर खुला झाला.

सकाळी शेअर बाजार सुरु झाला तेव्हा बड्या शेअर्सचे भावही कोसळलेले पहायला मिळाले. यामध्ये इंडसइंड बँक, लार्सन, अल्ट्राटेक सिमेंट, ब्रिटानिया आणि डिविस लॅब्ज या कंपन्यांचे शेअर्स लाल चिन्हांवर खुले झाले. तर अदानी पोर्ट्स, ओएनजीसी, आयटीसी, टायटन कंपनी आणि हिंडाल्कोचे शेअर्सही लाल चिन्हावर सुरु झाले.

काल उच्चपातळीवर झाली होती सेन्सेक्सची सुरुवात

या आठवड्यातील तिसऱ्या दिवशी अर्थात काल बुधवारी शेअर बाजार उच्च पातळीवर सुरु झाला होता. त्यावेळी सेन्सेक्स १३.११ अंकांनी वधारत ६१,१२५.१६ च्या पातळीवर तर निफ्टी १.१७ अंकांच्या वाढीसह १,८२७९.१० च्या पातळीवर खुला झाला होता.