Sensex पुन्हा तेजीत; बाजाराच्या सुरवातीला 306 अंशांची वाढ

मुंबई: सप्ताहाच्या शेवटच्या दिवशी आज शुक्रवारी सकाळच्या सत्रात शेअर मार्केटमध्ये मोठी तेजी दिसून आली. बीएसईचा सेन्सेक्स (Sensex) सत्राच्या सुरवातीला 306 अशांनी वाढून रेकॉर्डब्रेक 51,421.74 अंशांपर्यंत गेला आहे. इतिहासात पहिल्यांदाच सेन्सेक्स 51 हजारी पार गेला आहे. सत्रात सुरवातीला 1,782 कंपन्यांचे ट्रेडींग सुरू झाले होते. यामध्ये 1,318 कंपन्यांचे शेअर्स वाढताना तर 394 कंपन्यांचे शेअर्स कमी होऊन सुरवाती झाली. तर 70 कंपन्यांचे शेअर्सची स्थिर सुरवात होती.

दुसरीकडे निफ्टीतही तेजी दिसून आली आहे. निफ्टी 102.20 वाढून 15440.10 अंशापर्यंत पोहचून बाजाराची सुरवात झाली.

निफ्टीतील टॉप गेनर (nifty top gainers)-

-tata steel शेअर्स 42 रुपयांनी वाढून 1,138.30 रुपयांवर गेले.

-जेएसडब्ल्यू स्टीलचे शेअर्स जवळपास 21 रुपयांनी वाढून 702.55 रुपयांवर गेले.

निफ्टी टॉप लूसर (nifty top losers)-

-सन फार्माचे शेअर्स जवळपास 17 रुपयांनी घसरून 682.60 रुपयांवर सुरवात झाली.

-विप्रोचे शेअर्स जवळपास 5 रुपयांनी घसरून 536.35 रुपयांनी सुरवात झाली.