Share Market: शेअर बाजार सुसाट; सेन्सेक्स 740 तर निफ्टी 172 अंकांनी वधारला

रशिया-युक्रेनमधील शांतता चर्चा तसेच त्यामुळे कच्च्या तेलाचे नियंत्रणात आलेले दर याचा सकारात्मक परिणाम भारतीय शेअर बाजारावर होत आहे. आजही शेअर बाजाराची घौडदौड सुरुच राहिली. सेन्सेक्स 740.34 अंकांनी अर्थात 1.28 वाढून 58683.99वर बंद झाला, तर निफ्टी 172.95 अंकांनी अर्थात 1.00 टक्क्याने वधारून 17,498.25वर बंद झाला.

आजच्या दिवसाच्या सुरुवातीला शेअर बाजारानं उसळी घेतली. सेन्सेक्स 419.2 अंकांनी वधारून 58,362.85 वर सुरु झाला तर निफ्टी 73.75 अंकांनी वधारून 17,468.15 वर सुरु झाला. निफ्टी-50 मधील 41 शेअर्सनी सकारात्मक ओपनिंग दिली तर 9 शेअर्समध्ये घट दिसून आली.