Share Market Latest News | शेअर बाजारात मोठी घसरण; सेन्सेक्स 439 तर निफ्टी 162 अंकांनी घसरला | Sakal
sakal

बोलून बातमी शोधा

Share Market Latest News Updates
Share Market: शेअर बाजारात मोठी घसरण; सेन्सेक्स 439 तर निफ्टी 162 अंकांनी घसरला

Share Market: शेअर बाजारात मोठी घसरण; सेन्सेक्स 439 तर निफ्टी 162 अंकांनी घसरला

Share Market Updates: गेल्या काही दिवसांपासून शेअर बाजारात सुरु असलेले पडझडीचं सत्र आजही सुरुच राहिले. आजच्या दिवसाच्या सुरुवातीला शेअर बाजारात मोठी घसरण झाली आहे. सेन्सेक्स आणि निफ्टी दोन्ही निर्देशांकात घसरणीची नोंद झाली. सेन्सेक्स (Sensex) 439.51 अंकांची घसरण होऊन 56,757.64वर सुरु झाला तर निफ्टीमध्येही (Nifty) 162.95 अंकांची घसरण होऊन 17,009.05वर सुरु झाला. (Share Market Latest News Updates)

हेही वाचा: Share Market: शेअर बाजार कोसळला; सेन्सेक्स 749 अंकांनी घसरला, तर निफ्टी 17,171.95 वर बंद

तत्पूर्वी गेल्या काही दिवसांपासून सुरू असलेल्या अस्थिरतेमुळे शुक्रवारी शेअर बाजार जवळपास 2 टक्क्यांनी घसरला. सेन्सेक्स 1,141.78 अंकांनी अर्थात 1.95 टक्क्यांनी घसरून 57,197.15 वर बंद झाला. दुसरीकडे, निफ्टी 303.65 अंकांच्या म्हणजेच 1.73 टक्क्यांच्या घसरणीसह 17,172 वर बंद झाला.

मे मध्ये यूएस फेडरल रिझर्व्हने दर वाढवल्यानंतर, बॉन्ड यील्ड वाढ, मिश्र तिमाही निकाल आणि रशिया-युक्रेनमधील परिस्थती आणखी बिघडल्याने शेअर बाजार लाल रंगात बंद झाला.

हेही वाचा: हे '3' शेअर्स देतील तुम्हाला तगडा परतावा, कोणते आहेत हे शेअर्स जाणून घेऊयात

सेक्टरल इंडेक्सवर नजर टाकली तर लक्षात येईल की निफ्टी इन्फॉर्मेशन टेक्नॉलॉजी 5.6 टक्के आणि निफ्टी मीडिया इंडेक्स 4 टक्क्यांनी घसरला. निफ्टी पीएसयू बँक आणि निफ्टी बँक इंडेक्स प्रत्येकी 4 टक्क्यांनी घसरले. निफ्टी ऑटो इंडेक्स 3 टक्क्यांनी, निफ्टी एनर्जी आणि ऑइल अँड गॅस 2.4 टक्क्यांनी वाढले.

बीएसई मिडकॅप इंडेक्स 1.1 टक्क्यांनी घसरला, स्मॉलकॅप इंडेक्स 0.9 टक्क्यांनी घसरला आणि लार्जकॅप इंडेक्समध्ये 1.7 टक्क्यांची सर्वात मोठी घसरण झाली.

Web Title: Share Market Updates Gap Down Opening In Sensex And Nifty Ss01

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top