Share Market Opening: शेअर बाजारात घसरण सुरू, सेन्सेक्स 208 अंकांनी घसरला

आठवड्यातील पहिल्याच दिवशी सकाळच्या सत्रात शेअर बाजारात मोठी घसरण झाल्याचं दिसून येत आहे. राष्ट्रीय शेअर बाजाराचा निर्देशांक सेन्सेक्समध्ये आज 0.33 टक्क्यांची घसरण होऊन तो 62,068 अंकांवर सुरू झाला आहे. तर निफ्टीमध्ये 0.16 टक्क्यांची घसरण होऊन तो 18,473 अंकांवर खुला झाला आहे. शेअर बाजारात आज सकाळच्या सत्रात 13 शेअर्स तेजीत दिसून येत आहेत तर 37 शेअर्स घसरणीसह व्यवहार करत आहेत.

शुक्रवारी बाजारात मोठ्या प्रमाणात विक्री दिसून आली. बँक निफ्टी विक्रमी उच्चांक गाठल्यानंतर घसरला. एफएमसीजी आणि फार्मा शेअर्समध्ये किंचित वाढ झाली, तर सर्वात मोठी घसरण आयटी शेअर्समध्ये दिसून आली. रियल्टी, मेटल शेअर्सवरही दबाव होता. निफ्टीच्या आयटी निर्देशांकात या आठवड्यात 6 टक्क्यांची घसरण झाली. निफ्टी रियल्टी निर्देशांक या आठवड्यात 3 टक्क्यांनी घसरला. मिडकॅप आणि स्मॉलकॅप शेअर्सवरही दबाव दिसून आला.

आज कशी असेल बाजाराची स्थिती ?

शुक्रवारी बाजारात प्रॉफीट बुकींग दिसल्याचे कोटक सिक्युरिटीजचे अमोल आठवले म्हणाले. आता पुढील आठवड्यात व्याजदरांबाबत यूएस फेडच्या निर्णयाकडे गुंतवणूकदार आणि व्यापाऱ्यांचे लक्ष लागले आहे. चलनवाढ आणि व्याजदर यावर यूएस फेडचे भाष्य बाजारासाठी अधिक महत्त्वाचे ठरणार आहे.

निफ्टी आणखी कमजोर होण्याची चिन्हे दिसत असल्याचे शेअरखानचे (Share Market) गौरव रत्नपारखी म्हणाले. शॉर्ट टर्ममध्ये, तो 18300-18650 च्या रेंजमध्ये कंसोलीडेशन दिसू शकते.

आजचे टॉप 10 शेअर्स कोणते ?

एचसीएल टेक (HCLTECH)

टेक महिन्द्रा (TECHM)

इन्फोसिस (INFY)

विप्रो (WIPRO)

टीसीएस (TCS)

पर्सिस्टंट (PERSISTENT)

एल अँड टी सर्व्हिसेस लिमिटेड (LTTS)

झिंदाल स्टील (JINDALSTEL)

गोदरेज प्रॉपर्टीज (GODREJPROP)

आयडीएफसी फर्स्ट बँक (IDFCFIRSTB)