TATA, Amazon आणि Reliance ला देणार दक्कर! कंपनी नवीन IPO आणण्याची तयारीत; गुंतवणूकदारांमध्ये उत्साह

TATA Groups IPO : शेअर बाजारात गुंतवणूक करणाऱ्यांसाठी एक आनंदाची बातमी आहे. आगामी काळात टाटा समूहाच्या अनेक कंपन्यांचे IPO (IPO1) बाजारात दाखल होऊ शकतात. टाटा समूह ऑनलाइन बिगबास्केट कंपनीचा आयपीओ आणण्याच्या तयारीत असल्याची बातमी आहे.

ब्लूमबर्गच्या अहवालानुसार, 2025 पर्यंत ऑनलाइन बिगबास्केटचे शेअर बाजारात लिस्ट केले जाऊ शकतात. टाटा समूहाची ऑनलाइन बिगबास्केट किराणा कंपनी तीन वर्षांच्या आत शेअर्सची यादी करेल, असे ब्लूमबर्गने बुधवारी सांगितले.

हेही वाचा : सोंगी भजनाच्या माध्यमातून शांतारामबापूंनी घडवले दत्तदर्शन...

एका मुलाखतीत, बिगबास्केटचे मुख्य वित्तीय अधिकारी विपुल पारेख म्हणाले की, बेंगळुरू-मुख्यालय असलेली ई-कॉमर्स कंपनी पुढील 24 ते 36 महिन्यांत IPO लाँच करेल. याआधी, कंपनी खाजगी निधी उभारण्याचा विचार करत आहे. बिगबास्केटने विविध खाजगी फंड कंपन्यांद्वारे सुमारे 200 डॉलर दशलक्ष जमा केले आहेत.

काय आहे कंपनीची योजना?

कंपनी सध्या निधी उभारण्याच्या प्रक्रियेत आहे आणि भारतभर आपला व्यवसाय विस्तारण्याची योजना आखत आहे. यामुळे अॅमेझॉन आणि रिलायन्स इंडस्ट्री सोबत तगडी स्पर्धा होऊ शकते. पारेख यांच्या मते, बिगबास्केटचा पुरवठा करणाऱ्या डार्क स्टोअर्सची संख्या वाढवेल. कंपनी मार्चपर्यंत सुमारे 200 ते 300 आउटलेट उघडण्याचा विचार करत आहे.

पारेख म्हणाले की बिगबास्केट सध्या 55 शहरांमध्ये कार्यरत आहे आणि 75 शहरांमध्ये विस्तार करण्याचा विचार करत आहे. कंपनीचे स्टोअर सुमारे 450 शहरांमध्ये आहेत आणि पुढील वर्षी आणखीन 80 ते 100 शहरांमध्ये स्टोअर वाढू शकते, असेही ते म्हणाले.