जीएसटी करकपातीचे स्वागत; पादत्राणांवरही करसवलतीची मागणी | GST Update | Sakal
sakal

बोलून बातमी शोधा


Lalit Gandhi
GST करकपातीचे स्वागत; पादत्राणांवरही करसवलतीची मागणी

GST करकपातीचे स्वागत; पादत्राणांवरही करसवलतीची मागणी

मुंबई : तयार कपड्यांवरील जीएसटी दरात केलेली वाढ (GST rates increases on clothes) मागे घेण्याच्या जीएसटी काउंन्सिलच्या (GST council decision) आजच्या निर्णयाचे व्यापारी संघटनांनी (Traders union) स्वागत केले असून पादत्राणांवरील करवाढही (Footwear tax) मागे घ्यावी, अशी मागणी करण्यात येत आहे. (Tax relief demand on footwear to GST council)

हेही वाचा: गर्भवती, स्तनदा अन् मुलांना घरपोच आहार

एक जानेवारीपासून ही करवाढ होणार होती. या निर्णयामुळे देशभरातल्या कापड व पादत्राणांच्या व्यापाऱ्यांमध्ये प्रचंड नाराजी निर्माण झाली होती. आजच्या या निर्णयाबद्दल 'महाराष्ट्र चेंबर ऑफ कॉमर्स अँड इंडस्ट्रीज' चे अध्यक्ष ललित गांधी यांनी समाधान व्यक्त केले. ही दरवाढ सध्या पुढे ढकलली असून ती कायमची रद्द करावी, अशी मागणीही त्यांनी केली.

महाराष्ट्र चेंबर ऑफ कॉमर्स तर्फे केंद्रीय अर्थमंत्री, वस्त्रोद्योगमंत्री यांच्यासह जीएसटी काउंन्सिल च्या देशातील सर्व राज्यांच्या सदस्य अर्थमंत्र्यांना निवेदन दिले होते. केंद्रीय वस्त्रोद्योग मंत्री पियुष गोयल यांनीही यासंबंधी केलेल्या प्रयत्नांबद्दलही गांधी यांनी त्यांचे विशेष आभार मानले. पादत्राणांवरील करवाढ मागे घेण्याची विनंतीही त्यांनी केली आहे.

तर फेडरेशन ऑफ रिटेल ट्रेडर्स वेल्फेअर असोसिएशनचे अध्यक्ष विरेन शहा यांनीदेखील या निर्णयाचे स्वागत केले आहे. फेडरेशनने देखील हा निर्णय बदलावा यासाठी अर्थमंत्र्यांकडे पाठपुरावा केला होता. देशातील सर्वच व्यापारी-व्यावसायिकांच्या संघटनांनी या निर्णयाचा फेरविचार व्हावा यासाठी धडपड केली होती. सर्वांच्या सामुहिक प्रयत्नांचे हे यश आहे, असेही शहा यांनी म्हटले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Piyush GoyalGST
loading image
go to top