Share Market: शेअर बाजार वधारला; सेन्सेक्समध्ये 369.9 तर निफ्टी 64.55 अंकांची वाढ

Share Market Updates: सलग चार दिवसांच्या घसरणीनंतर मंगळवारी शेअर बाजार सावरल्याचं चित्र होते. आज बुधवारीही शेअर बाजारात सकारात्मक सुरुवात झाली आहे. आज सेन्सेक्स (Sensex) आज 369.9 अंकाच्या वाढीसह 53793.99 सुरु झाला. निफ्टी (Nifty) आज 64.55 अंकाच्या वाढीसह 16078वर सुरु झाला. पहिल्या पंधरा मिनिटांनंतर शेअर बाजारात 38 शेअर सकारात्मक ट्रेड करत आहेत. तर 12 स्टॉक्सची नकारात्मक सुरुवात झाली. (Positive opening in stock market today.)

मंगळवारचा दिवस शेअर बाजारासाठी वरदान ठरला कारण गेल्या सलग 4 दिवसांची घसरण थांबलेली दिसून आली आणि सेन्सेक्स-निफ्टी हिरव्या चिन्हात बंद झाले. फार्मा आणि आयटी शेअर्सचा मोठा सपोर्ट मिळाला. व्यवहाराच्या शेवटी, सेन्सेक्स 581.34 अंकांच्या म्हणजेच 1.10 टक्क्यांच्या वाढीसह 53,424.09 वर बंद झाला. त्याच वेळी, निफ्टी 150.30 अंकांच्या म्हणजेच 0.95 टक्क्यांच्या वाढीसह 16,013.45 वर बंद झाला.

फार्मा आणि आयटीसारख्या निर्यात-केंद्रित क्षेत्रांचा बाजाराला फायदा झाल्याचे जिओजित फायनान्शिअल सर्व्हिसेसचे विनोद नायर म्हणाले. रुपयाने विक्रमी नीचांकी पातळी गाठल्यानंतर फार्मा आणि आयटी क्षेत्रातील शेअर्स जोशात दिसले. तर निवडणुकीत भाजपच्या बाजूने एक्झिट पोल आल्याने मिड आणि स्मॉलकॅप शेअर्समध्येही खरेदी दिसून आली.