संसदेचं अर्थसंकल्पीय अधिवेशन २ टप्प्यात; ३१ जानेवारीपासून सुरुवात | Union Budget 2022 | Sakal
sakal

बोलून बातमी शोधा

nirmala sitharaman

संसदेचं अर्थसंकल्पीय अधिवेशन २ टप्प्यात; ३१ जानेवारीपासून सुरुवात

दिल्ली - संसदेचं अर्थसंकल्पीय अधिवेशन (Budget Session) ३१ जानेवारीपासून सुरु होणार आहे. याबाबतची घोषणा करण्यात आली आहे. ३१ जानेवारी ते ८ एप्रिल या कालावधीत अर्थसंकल्पीय अधिवेशन पार पडेल. दोन टप्प्यात हे अधिवेशन असणार आहे. देशात (India) फेब्रुवारीमध्ये होणाऱ्या 5 राज्यांच्या निवडणुकीच्या (Assembly Election) पार्श्वभूमीवर केंद्र सरकार काय घोषणा करणार याकडे लक्ष लागून राहणार आहे.

अर्थसंकल्पीय अधिवेशनाचा पहिला टप्पा ३१ जानेवारी ते ११ फेब्रुवारी या कालावधीत असणार आहे. तर दुसरा भाग १४ मार्च ते ८ एप्रिल या काळात असेल. संसदेत १ फेब्रुवारीला अर्थमंत्री निर्मला सितारमण अंर्थसंकल्प मांडतील.

हेही वाचा: पत्नीची बेरोजगार पतीकडे पोटगी वाढवण्याची मागणी, हायकोर्टाने फटकारले

लोकसभेचे अध्यक्ष ओम बिर्ला आणि राज्यसभेचे अध्यक्ष व्यंकय्या नायडू यांनी अर्थसंकल्पीय अधिवेशन कोरोनाच्या पार्श्वभूमीवर व्यवस्थित आणि सुरक्षित पार पाडण्यासाठी आवश्यक त्या उपाययोजना कऱण्यास सांगितलं आहे. कोरोनाच्या तिसऱ्या लाटेमुळे अर्थंसंकल्पीय अधिवेशनावर टांगती तलवार होती. काही दिवसांपूर्वी लोकसभा अध्यक्ष ओम बिर्ला यांनी काही दिवसांपूर्वीच संसद भवनाची पाहणी करून आढावा घेतला होता. संसद भवनातील अनेक कर्मचाऱ्यांना कोरोनाची लागण झाली आहे. तसंच अनेक नेत्यांनासुद्धा कोरोनाची लागण झाली असल्यानं अधिवेशनाबाबत सांशकता व्यक्त केला जात होता.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top