- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
नवी दिल्ली - कोविड 19 संकटात सामाजिक सुरक्षेच्या योजना राबविण्यासाठी जागतिक बँकेने भारताला दुसर्‍या टप्प्यात 1 अब्ज डॉलर्सची मदत जाहीर केली आहे. 'द एक्सीलेरेटिंग इंडियाज कोविड 19 सोशल प्रोटेक्शन रिस्पॉन्स प्रोग्रॅम' असे या आर्थिक पॅकेजचे नाव आहे. कोविड 19च्या संकटामुळे गरीब आणि असुरक्षित कुटुंबांना आर्थिक सहाय्य करण्यासाठी या पॅकेजची मदत होणार असल्याचे जागतिक बँकेने म्हटले आहे.
पुण्याच्या बातम्या वाचण्यासाठी येथे ► क्लिक करा
1अब्ज डॉलरच्या पॅकेजपैकी 750 मिलियन डॉलर आर्थिक वर्ष 2020 मध्ये तर 250 मिलियन डॉलर 2021 मध्ये दिले जाणार आहेत. याआधी देखील मागील महिन्यात जागतिक बँकेने भारताला 1 अब्ज डॉलरची मदत दिली आहे. त्यामुळे कोविड 19 विरोधात लढण्यासाठी आतापर्यंत एकूण 2 अब्ज डॉलरची मदत जाहीर करण्यात आली आहे.
मदतीचा पहिला टप्पा प्रधानमंत्री गरीब कल्याण योजनेच्या (पीएमजीकेवाय) माध्यमातून देशभर राबविला जाईल. यामुळे, सार्वजनिक वितरण प्रणाली (पीडीएस) अंतर्गत धान्य वाटप आणि डायरेक्ट बेनिफिट ट्रान्सफरच्या (डीबीटी) माध्यमातून रोख हस्तांतरणची प्रक्रिया राबविण्यासाठी सरकारला अतिरिक्त निधी उपलब्ध होणार आहे.
"कोविड 19चा प्रसार रोखण्यासाठी जगभरातील देशांनी सोशल डिस्टंसिंग आणि लॉकडाउनची अंमलबजावणी केल्यामुळे देशांच्या अर्थव्यवस्था धोक्यात आल्या आहेत. भारत देखील याला अपवाद नाही. यामुळे विशेषतः असंघटित क्षेत्रातील नोकऱ्या धोक्यात आल्या आहेत. अशा परिस्थितीत धान्य वाटप आणि पैशांच्या रोख हस्तांतरण प्रक्रियेने गरीब नागरिकांना याचा फायदा होईल," असे जागतिक बँकेचे भारतीय विभागासाठीचे संचालक जुनैद अहमद यांनी म्हटले आहे.
1अब्ज डॉलर्सपैकी 550 मिलियन डॉलर्स हे जागतिक बँकेची उपशाखा असलेल्या आणि सवलतीत कर्ज देणाऱ्या आंतरराष्ट्रीय डेव्हलोपमेंट असोसिएशन (आयडीए) कडून मिळणार आहेत. तर 200 मिलियन डॉलर्स ही इंटरनॅशनल बँक फॉर रिकन्स्ट्रक्शन अँड डेव्हलोपमेंट बँक (आयबीआरडी) कडून कर्जस्वरूपात 18.5 वर्षांसाठी मळणार आहेत. तर उरलेले 250 मिलियन डॉलर्स 30 जून 2020 नंतर आयबीआरडीच्या प्रमाणित अटींवर मिळतील असे जागतिक बँकेने म्हटले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.