रिझर्व्ह बँकेच्या दर कपातीनंतर 'ईएमआय'मध्ये होईल इतकी बचत 

मुंबई : रिझर्व्ह बँकेने आज (शुक्रवार) रेपोदरात 0.25 टक्क्याची कपात करण्याची घोषणा केली. कपातीनंतर रेपोदर 6.25 टक्क्यांवरून कमी होत 6 टक्क्यांवर आला आहे. परिणामी बँकांकडून कर्ज घेणाऱ्या सर्वसामान्य नागरिकांना याचा फायदा होणार आहे. रेपो दर म्हणजेच बँकांना रिझर्व्ह बँकेकडून मिळणाऱ्या कर्जावर लागणारा व्याज दर. यामुळे बँकांना रिझर्व्ह बँकेकडून मिळणाऱ्या कर्ज दरात घट होत असल्याने त्याचा फायदा बँकांकडून कर्ज घेणाऱ्या सर्वसामान्य नागरिकांना होत असतो. 

आता कर्जदर कमी झाल्याने गृह आणि वाहन कर्जावर किती फायदा मिळू शकतो ते पाहूया. 

(जुना व्याजाचा दर 9.70 टक्के गृहीत धरून रिझर्व्ह बँकेच्या निर्णयानंतर जेंव्हा बँका नवीन व्याजदराची अंमलबजावणी करतील तेंव्हा कर्जधारकांना 9.45  टक्के दरानुसार त्याचा फायदा मिळेल. )

गृह कर्ज रक्कम   सध्याचा मासिक हप्ता (ईएमआय)  नवीन ईएमआय   मासिक बचत 
(रुपयांमध्ये)
20 लाख                     17,674                                   17,356               318

30 लाख                      26,511                                   26,035              476

50 लाख                     44,665                                    43,867               798

वाहन कर्ज रक्कम    सध्याचा ईएमआय                 नवीन ईएमआय   मासिक बचत    

3 लाख                       6,630                                       6,293                27

5 लाख                      10,550                                     10,489               61

10 लाख                    21,100                                      20,977             123