पदपथाची दुरवस्था; अतिक्रमण 

पुणे : रविवार पेठेत पुणे महापालिकेच्या दवाखान्याजवळील पदपथाचे ब्लॉक निघाले आहेत. पादचाऱ्यांना पदपथावरून चालणे अवघड व धोकादायक झाले आहे. विशेषतः ज्येष्ठ नागरिकांना जीव मुठीत घेऊन जावे लागते. त्याच पदपथावर जाहिरातीचा मोठा टीव्ही लावून पदपथ अडविला आहे. टीव्ही उंचावर लावला आहे; पण त्याची काहीही आवश्‍यकता नाही. त्यापेक्षा पदपथ व्यवस्थित ठेवल्यास नागरिकांना पदपथावरून नीट चालता येईल. पदपथाची तातडीने दुरुस्ती होणे आवश्‍यक आहे.