महाराष्ट्र राज्यातील तुरुंगांतून सात दिवसांत केली एवढ्या कैद्यांची सुटका

मुंबई - कोरोनाच्या वाढत्या प्रादुर्भावामुळे खबरदारीचा उपाय म्हणून राज्यातील तुरुंगांतून तब्बल २ हजार ५२० कैद्यांची सुटका करण्यात आली आहे. टप्प्याटप्प्याने ११ हजार कैद्यांची सुटका करण्यात येणार असल्याचे तुरुंग प्रशासनाने सांगितले.

बातम्या ऐकण्यासाठी डाऊनलोड करा ई-सकाळचे ऍप

राज्यातील अनेक तुरुंगांत प्राथमिक वैद्यकीय तपासणी करून कैद्यांना सोडण्यात येत आहे. काही तुरुंगांत उष्णतामापक यंत्रावर चाचणी करून कैद्यांना सोडण्यास सुरुवात झाली आहे तर काहींचे वैद्यकीय तपासणीचे अहवाल बाकी आहेत. अहवाल मिळाल्यानंतर दोन टप्प्यांत त्यांना सोडण्यात येईल, अशी माहिती तुरुंग प्रशासनाने दिली. राज्यातील मध्यवर्ती आणि जिल्हा तुरुंगांमधील कच्च्या कैद्यांच्याही सुटकेची प्रक्रिया प्रशासनाने सुरू केली आहे. सर्वोच्च न्यायालयाच्या आदेशानुसार या कैद्यांकडून जामीनपत्र लिहून घेतले जात आहे.