नागपूर: कॉफी हाऊस चौकात सोमवारी (ता.११) पहाटे तीन वाजताच्या सुमारास स्कुटर चालविताना झालेल्या किरकोळ वादातून २० वर्षीय तरुणाचा चाकूने भोसकून खून करण्यात आला. याप्रकरणी पोलिसांनी दोन अल्पवयीन आरोपींना ताब्यात घेतले आहे.
तुषार सुधीर चुटे (वय २०, रा. स्मृतीनगर, हुडकेश्वर) असे मृत तरुणाचे नाव आहे. तो मिळेल ते काम करतो. त्याचे वडील सुधीर चुटे यांच्या पायाला लागले असल्याने ते घरीच असतात. ताब्यात घेण्यात आलेले दोन्ही अल्पवयीन आरोपी बारावीत शिकतात.
