Life imprisonment in 16 days verdict
esakal
उत्तर प्रदेशातील गोरखपूर येथील पीपीगंज पोलीस ठाण्याच्या हद्दीत सहा वर्षांच्या निरागस मुलीवर २१ फेब्रुवारी रोजी अमानुष अत्याचार करण्यात आला होता. या प्रकरणी न्यायालयाने अवघ्या १६ दिवसांत निकाल देत आरोपी अशोक निषाद याला जन्मठेपेची शिक्षा सुनावली. तसेच त्याच्यावर ५५ हजार रुपयांचा दंडही ठोठावण्यात आला आहे. एकीकडे न्यायालयातील खटले वर्षानुवर्ष चालत असताना अवघ्या १६ दिवसांत निकाल दिल्याने याप्रकरणाची सध्या जोरदार चर्चा सुरु आहे.
