Fashion Tips : फेकुन न देता एकदा ट्राय करा ‘क्रॉप टॉप विथ लेहंगा’

पुणे : लग्नात किंवा समारंभात घालण्यासाठी हौसेने लेहंगा घेतला जातो. पण, एक दिवस घालून तो तसाच पडून राहतो. अशावेळी तो फेकून दिला जातो किंवा इतर कोणाला दिला जातो. पण, हाच लेहंगा वेस्टर्न स्टाईलमध्ये रियुज केला जाऊ शकतो. तुमचा जुना लेहंगा क्रॉप टॉपवर घालता येवू शकतो. क्रॉप टॉप हा असा लेडीज वेअर आहे जो अनेक पॅटर्नच्या ड्रेसवर सहजपणे कॅरी करता येतो.

फ्लोरल क्रॉप टॉप विथ लेहंगा

फ्लोरल क्रॉप टॉप जिन्स, प्लाझो यावर घातला असेल. पण, फ्लोरल क्रॉप टॉप लेहंग्यावर ट्राय करून बघा. तो तुम्हाला एक वेगळा आणि स्टायलिश लुक देईल. फ्लोरल क्रॉप टॉप लेहेंग्यासोबत घातल्यावर अगदी भडक मेकअप करू नका. त्यावर हलका मेकअप जास्त खुलून दिसेल. त्यावर डार्क लिपस्टिक लावू शकता.

ऑफ शोल्डर क्रॉप टॉप

कोणत्याही फंक्शन किंवा ऑफिस पार्टीसाठी तुम्ही ऑफ शोल्डर क्रॉप टॉप घालू शकता. लेहेंगा किंवा लाँग स्कर्टसोबतही ट्राय करू शकता. यावर लाँग कानातले छान दिसतील.ऑफ शोल्डर क्रॉप टॉप बाजारात 400 ते 550 रुपयांना मिळतात. या टॉपमध्ये व्हरायटी पहायची असेल तर ऑनलाईन चेक करा.

वन शोल्डर डिझाइन

वन शोल्डर टॉप डिझाइनची आजकाल ट्रेंडमध्ये आहे. कमी वेळेत लेडीजच्या पसंतीस पडलेला हा पॅटर्न आहे. हे क्रॉप टॉप तुम्हाला इंडो वेस्टर्न लुक देतात. बाजारात 300 ते 400 रुपये इतकी याची किंमत आहे. या क्रॉप टॉप विथ लेहेंग्याच्या लुकसोबत हेवी मेकअप अधिक उठून दिसेल.